Vystup Käärijä ŭ hrand-finale Jeŭrabačańnia. Fota: Martin Meissner / AP

Vystup Käärijä ŭ hrand-finale Jeŭrabačańnia. Fota: Martin Meissner / AP

Razhnievanyja fanaty, aburanyja parazaj Käärijä, zavalili listami narviežskuju viaščalnuju kampaniju NRK paśla finału Jeŭrabačańnia. Fanaty zajavili, što sistema žury na konkursie pavinna być admienienaja ci, prynamsi, źmienienaja, piša Yle.

Käärijä ź vialikim adryvam pieramoh u hałasavańni hledačoŭ, ale sastupiŭ Šviecyi pa bałach ad žury.

Kiraŭnik prajekta z NRK Tea Flinder paviedamiła narviežskamu TV2, što kampanija viadzie pieramovy ź Jeŭrapiejskim viaščalnym sajuzam (EBU) ab sistemie žury. Čakajecca, što rašeńnie pa hetym pytańni budzie pryniata ŭ studzieni.

— Reakcyja ludziej pakazvaje, što heta moža być dobraj mahčymaściu dla EBU pierahledzieć pracu žury, — skazała jana ŭ intervju TV2.

— My viadziom pieramovy z EBU, i nam paviedamili, što budzie praviedziena pieraacenka i ŭ studzieni pryniata pastanova, — praciahvaje Tea Flinder.

Morten Tomasen, prezident narviežskaha kłuba Jeŭrabačańnia, kaža, što hetaja infarmacyja čakanaja, bo Käärijä byŭ vidavočnym favarytam.

— Ja spadziajusia, što kolkaść členaŭ nacyjanalnaha žury budzie pavialičana, a jaho skład źmienieny, kab u im mahli ŭdzielničać šarahovyja fanaty, — skazaŭ Tomasen.

Adnak jon čakaje, što žury zastaniecca, i jaho ŭpłyŭ zachavajecca na ŭzroŭni 50%.

Na apošnim Jeŭrabačańni Finlandyja atrymała ad hledačoŭ 376 bałaŭ, a Šviecyja — 243. Prafiesijnaje žury dało Šviecyi 340 bałaŭ, a Finlandyi — 150.

Čytajcie taksama:

Finskamu ŭdzielniku «Jeŭrabačańnia» dali na hod biaspłatna karystacca kvateraj

Pieramožcaj Jeŭrabačańnia druhi raz stała šviedskaja śpiavačka Loreen. U 2012-m jana vykazała padtrymku Bialackamu

Клас
6
Панылы сорам
1
Ха-ха
1
Ого
1
Сумна
1
Абуральна
1