Prajekt staŭsia mahčymym dziakujučy supolnym namahańniam Mižnarodnaha sajuza biełaruskich piśmieńnikaŭ i internet-biblijateki Kamunikat.

Słuchačy zdolejuć paznajomicca z aŭtarskaj redakcyjaj «Hałasoŭ Utopii» ŭ najnoŭšym biełaruskim pierakładzie. «Śviatłana Aleksijevič pavodle svajho tvorčaha mietadu dapracavała chroniku: skasavała cenzurnyja praŭki, dałučyła novyja epizody, a taksama staronki z ułasnaha dziońnika», — paviedamlaje Kamunikat. 

«Dumaju, heta najbujniejšy prajekt za ŭsie maje časy za mikrafonam. I tym bolš z boku redaktarki/režysiorki zapisu. Heta jak jašče try razy zapisać «1984» Orueła. A my jaho och jak pisali! Ščyra dziakuju fondu «Kamunikat», što addali ŭ maje šalonyja ruki «Hałasy Utopii» Śviatłany Aleksijevič», — napisała ŭ instahramie akciorka Kryścina Drobyš.

Akramia jaje, u zapisie pryniali ŭdzieł Alena Bajarava, Siarhiej Čub, Aleh Harbuz. Aŭtar muzyki — Dźmitryj Fryha. Zapis — Pavieł Siniła.

Premjera — 28 červienia na sajcie Kamunikat.org i na jutub-kanale prajekta.

Čytajcie taksama:

U Vilni adbudziecca tvorčaja sustreča z Uładzimiram Arłovym. Tema — žančyny ŭ paŭstańni Kalinoŭskaha

Dzieviać hałoŭnych kinastužak hetaha leta

Vilenski biełaruski muziej imia Ivana Łuckieviča vykłaŭ u internet ułasny archiŭ

Клас
5
Панылы сорам
0
Ха-ха
0
Ого
0
Сумна
0
Абуральна
0