Ihar Biełaš
Stała viadoma pra vyzvaleńnie ź miescaŭ pazbaŭleńnia voli traich palityčnych źniavolenych — žycharoŭ Homielskaj vobłaści: Ihara Biełaša, Kiryła Piatrenki, Ivana Čarnamorčanki, piša «Homielskaja viasna».
Ihar Biełaš sa Žłobina byŭ asudžany ŭ kancy listapada 2021 hoda ŭ sudzie Žłobinskaha rajona. Sudździa Jaŭhien Jerafiejeŭ prysudziŭ jamu 1,5 hoda pazbaŭleńnia voli va ŭmovach ahulnaha režymu.
Kirył Piatrenka, žychar Homiela, jaki ŭ mai 2022 hoda byŭ asudžany sudździoj Śviatłanaj Mažejkaj suda Vietkaŭskaha rajona i pryhavorany da 1 hoda pazbaŭleńnia voli va ŭmovach ahulnaha režymu.
Ivan Čarnamorčanka taksama byŭ asudžany ŭ mai 2022 hoda ŭ sudzie Savieckaha rajona Homiela. Sudździa Alaksandr Mocharaŭ prysudziŭ jamu 1 hod pazbaŭleńnia voli va ŭmovach ahulnaha režymu.
Usie asudžanyja byli pakaranyja pa č. 1 art. 342 KK — «Arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich».
