Heta ŭžo druhi fiestyval tradycyjnaj biełaruskaj kultury Soncahraj, sioleta jon projdzie 9, 10, 18 i 24 červienia. Arhanizatar festu — fond «Tutaka» — vyznačaje Soncahraj jak demanstracyju aŭtentyčnaj biełaruskaj narodnaj tvorčaści.
U niadaŭnim intervju Budzma.org siabra prahramnaj Rady fondu «Tutaka», žurnalist Źmicier Kościn tak vyznačyŭ admietnaści Soncahraj-2023:
«Praz Soncahraj užo druhi hod chočam prezientavać tradycyjnuju biełaruskuju kulturu jak ź Biełarusi, tak i z Padlašša. Vielmi važnym nam padajecca, kab pry nahodzie hetaha fiestyvalu adbyvałasia ŭzajemnaje paznańnie, viartańnie ŭ ahulnuju kulturnickuju prastoru tradycyjnaha falkłoru, tradycyjnaj kultury biełarusaŭ Padlašša, jakija ŭžo 80 hadoŭ adrezanyja miažoj ad Biełarusi, i pra hetuju śpieŭnuju spadčynu šyrokamu kołu biełarusaŭ mała što viadoma».
Pavodle Źmitra Kościna, kancerty «sioletniaha Soncahraj buduć bolš padobnyja da takoj haściny, biasiedy»: «My nie chočam tradycyjnych scen, nie chočam, skažam tak, typovaha ŭsprymańnia kancertu, my chočam placoŭku, dzie zmožam tančyć, vakoł jakoj možna pastavić stały, pryjści tudy z košykam ježy, pasłuchać, panazirać i paŭdzielničać u majstar-kłasach, jakija buduć adbyvacca».
Prahrama Soncahraj-2023
9 červienia ŭ Dubičach Carkoŭnych buduć śpiavać i tančyć:
- Śpieŭny hurt z Dubič Carkoŭnych;
- «Malinki», «Kalažanki» (Biełaruś)
- Kapeła «Koliśnija» (Biełaruś)
Budzie taksama:
- «Śpieŭny schod» ź Sieržukom Doŭhušavym,
- majstar-kłasy tradycyjnaha padlašskaha ručnika z Alinaj Demboŭskaj;
- kirmaš miascovych Kołaŭ Viaskovych Haspadyń.
Data: 9 červienia
Čas: 17.00 (čas miascovy)
Miesca: la budynka GOKSiR, Główna, 67, Dubičy Carkoŭnyja
10 červienia, u subotu, fest jedzie u Sakoli!
Na supolnuju zabavu zaprašajuć:
- «Čyrvonyja Špilki»
- «Naŭzajem»
- «Kalažanki» (Biełaruś)
- Kapeła «Koliśnija» (Biełaruś)
I viadoma:
- «Śpieŭny schod» ź Sieržukom Doŭhušavym,
- majstar-kłasy tradycyjnaha padlašskaha ručnika z Alinaj Demboŭskaj
- kirmaš miascovych Kołaŭ Viaskovych Haspadyń.
Data: 10 červienia
Čas: 17.00 (čas miascovy)
Miesca: placoŭka CPL, Sokole, 59, Sakoli
U nastupnuju niadzielu, 18 červienia, sustrakajemsia ŭ Ciasnym kala Supraśla.
Na supolnaj biasiedzie zajhrajuć i zaśpiavajuć:
- «Žuravinki»
- «Žemerva»
- «Biełaruski cud» (Litva)
- Kapeła «Koliśnija» (Biełaruś)
I kaniešnie:
- «Śpieŭny schod», jaki praviadzie Siaržuk Doŭhušaŭ,
- majstar-kłasy tradycyjnaha padlašskaha ručnika z Alinaj Demboŭskaj
- kirmaš miascovych Kołaŭ Viaskovych Haspadyń.
Data: 18 červienia
Čas: 17.00 (čas miascovy)
Miesca: la viaskovaj śviatlicy, ul. Zielona, 3, Ciasne
A tady 24 červienia, u subotu, buduć śviatkavać Kupalle ŭ Bandaroch!
Budzie vohnišča, vianki, radaść, leta dy finał Fiestyvalu Biełaruskaj Tradycyi SONCAHRAJ.
Z 16:00 vas čakajuć majstar-kłasy:
- kupalskija ziołki z Ahnieškaj Prymakaj
- tradycyjnyja krajki ź Irynaj Maziuk
- padlašski abradny ručnik z Alinaj Demboŭskaj
- vycinanka
- tradycyjnyja instrumienty (duda, lira dy inšyja)
- majstar-kłasy biełaruskich tradycyjnych tancaŭ
- supolna zaplaciom vianki i razvučym kupalskija pieśni.
U Vialikim Finale prymuć udzieł:
- Śpieŭny hurt z Dubič Carkoŭnych
- «Čyrvonyja Špilki»
- «Žuravinki» ZHRAJA
- Kapela Aleny Mialeški (Biełaruś)
- Śpieŭny hurt z Dabryvady
- «Biełaruski cud» (Litva)
- Kapeła «Koliśnija» (Biełaruś)
- Miareža (Biełaruś)
- Hajda Banda / Hajda banda
Možna ŭziać z saboju namioty i zanačavać na miascovym kempinhu.
Data: 24 červienia
Čas: 16.00 (čas miascovy)
Miesca: na plažy ŭ Bandaroch
Uvachod, viadoma, volny!
