Stała viadoma, skul uziałasia syravina dla «sidru», ad jakoha ŭ Rasii pamierła bolš za 30 čałaviek. I heta niejmavierna 7

Kradziež vyjaviŭsia ŭ vyniku vyvučeńnia kanałaŭ pastupleńnia niebiaśpiečnaj vadkaści na vytvorčaść napojaŭ marki «Mistar sidr».

U vyniku palicejskija vyśvietlili fakt kradziažu śpirtaźmiaščalnaj vadkaści sa składa adździaleńnia MUS Rasii pa Samarskaj vobłaści. 

Hetaja partyja zachoŭvałasia na składzie z 2012 hoda, paśla taho jak jaje kanfiskavali padčas pravieračnych mierapryjemstvaŭ.

Za kradziež zatrymanyja dvoje žycharoŭ Samary i siaržant palicyi, jaki achoŭvaŭ skład i prapuściŭ złamyśnikaŭ na jaho terytoryju, pra heta paviedamlaje RBK.

Kiraŭnik MUS RF zvolniŭ namieśnika načalnika HU MUS Rasii pa Samarskaj vobłaści Juryja Safronava. 

Pra pieršyja vypadki atručvańnia stała viadoma 5 maja. Užo tady kolkaść pamierłych dasiahnuła 16 čałaviek. Ułady zabłakavali pa ŭsioj Rasii abarot pradukcyi TAA «Andzi», jakoje vyrablała «Mistar sidr».

SK paviedamiŭ, što indyvidualny pradprymalnik, čyja kampanija vyrablała sidr, zatrymany. 

TAA «Andzi» była zarehistravanaja ŭ kancy 2021 hoda, jaje zasnavaŭ Anar Husiejnaŭ, jak piša RBK. Pavodle infarmacyi miedyja, zatrymany jakraz jon.

Pa fakcie hibieli ludziej raspačali kryminalnuju spravu pa častcy 3 artykuła 238 KK RF (Akazańnie pasłuh, jakija nie adpaviadajuć patrabavańniam biaśpieki, što paciahnuła pa nieaściarožnaści śmierć dźviuch abo bolš asob), pra heta paviedamili ŭ Śledčym kamitecie.

Kolkaść zahinułych u Rasii ad «sidru» pieravysiła 30 čałaviek. 

9

57

27

4

1

16

Nashaniva.com