Dzianisa Ivašyna zatrymali 12 sakavika 2021 hoda, a ŭ žniŭni 2022 hoda asudzili na 13 hadoŭ i 1 miesiac kałonii ŭzmocnienaha režymu sa štrafam 150 bazavych vieličyń (4800 rubloŭ) pa č. 1 art. 356 «Zdrada dziaržavie» i č. 1 art. 179 KK «Niezakonnaje źbirańnie albo raspaŭsiud infarmacyi ab pryvatnym žyćci».
U kałonii jon padviarhajecca cisku.
«Dzianis skazaŭ, što adčuvaje siabie paśla čarhovaj sproby katavańnia choładam narmalova. Chacia apošnija niekalki dzion, pavodle jahonych słovaŭ, byli samymi lutymi. Mahčyma, heta źviazanaje z adklučeńniem aciapleńnia (spadziajusia, płanavym, a nie naŭmysnym, ale daviedajemsia paźniej). (…) Spadziajomsia, Dzianis u skorym časie zmoža nam jašče i listy napisać, to čakajem karespandencyju ad jaho», — raskazvała ŭ pačatku maja jaho žonka Volha.
