Elzu znajšli na ruinach paśla abstrełu 9 sakavika
U Elzy była kantuzija, rana ŭ vobłaści šyi i skivicy, traŭmavanaja łapa i krovaźlićcio ŭ vočy, piša «Ukrainskaja praŭda».
Na ščaście, Elza ačuniała i znajšła novy dom.
«Elza niadaŭna pierajechała ŭ Niamieččynu. Tam jana budzie žyć u novaj siamji z haspadyniaj Volhaj Fiert.
Chaj u ich usio składvajecca! Pažadajem Elzie spakojnaha i ščaślivaha žyćcia! A ŭsie nieludzi, jakija pryčyniajucca da pakut ludziej i žyvioł va Ukrainie, abaviazkova buduć pakaranyja», — kažuć zoaabaroncy.
Zaraz u Elzy novaja siamja
U vyniku rakietnaha ŭdaru pa Lvoŭščynie 9 sakavika zahinuła piać čałaviek. Sabaku Elzu vyratavali vałanciory razam z susiedskimi aŭčarkami, haspadary jakich taksama zahinuli.
Elza budzie žyć u Niamieččynie
Vałanciorka Julija Radlinskaja, jakaja zajmałasia Elzaj, raspaviała, što achvotnych dapamahčy sabaku było vielmi šmat.
U noč na 29 vieraśnia minułaha hoda rasijanie taksama abstralali žyłyja damy ŭ Dniapry. Na ruinach adnaho z damoŭ znajšli sabaku pa mianušcy Krym, jaki płakaŭ.
Sabaka Krym čakaje na ruinach doma va ŭkrainskim horadzie Dniapro, pad jakimi lažać jaho zabityja haspadary. Fota: Dziaržaŭnaja słužba nadzvyčajnych situacyj Ukrainy
Žyviolinu zabrali na reabilitacyju, ale praz paŭtara miesiaca sabaka, jaki mieŭ kantuziju i sardečnuju niedastatkovaść, pamior.
Čytajcie taksama:
Patron staŭ pieršym u historyi «Sabakam dobraj voli» JUNISIEF
