Źniščalnik F-16. Fota: Wikimedia Commons
Ministr abarony Ukrainy Alaksiej Reźnikaŭ zajaviŭ, što padčas čakanaha kontrnastupu letam Kijeŭ nie budzie vykarystoŭvać źniščalniki F-16, samaloty zmohuć raźmiaścić vosieńniu ci zimoj. Pra heta Reźnikaŭ zajaviŭ u intervju NHK, piša «Ukrainskaja praŭda».
Na pytańnie pra źniščalniki F-16 Reźnikaŭ adkazaŭ, što jany nie źmieniać situacyju hetym letam.
Ministr zajaviŭ, što dla padrychtoŭki ŭkrainskich lotčykaŭ patrebny čas, a Ukrainie nieabchodna taksama damovicca sa svaimi partniorami ab najaŭnaści inžynieraŭ i techničnaha piersanału, jakija zmohuć zajmacca techabsłuhoŭvańniem i ramontam hetych samalotaŭ.
Pavodle jaho słoŭ, Ukraina budzie hatovaja raźmiaścić F-16 vosieńniu ci zimoj.
Ciapier niekatoryja krainy Zachadu zajmajucca padrychtoŭkaj abo prapanoŭvajuć padrychtavać ukrainskich lotčykaŭ dla piłatavańnia hetych źniščalnikaŭ.
Čytajcie taksama:
Na pastaŭku źniščalnikaŭ F-16 va Ukrainu sydzie ŭ najlepšym vypadku niekalki miesiacaŭ
