Na kadrach z hieałakacyjaj, apublikavanych 4 červienia, vidać, što miechanizavanyja ŭkrainskija siły prasunulisia na paŭnočny ŭschod ad Raŭnopala.
Fota: telehram-kanał «Rybar»
Rasijskija vajennyja błohiery śćviardžali, što ŭkrainskija siły nanieśli ŭdar u kirunku Pryjutnaha (15 km na paŭdniovy zachad ad Vialikaj Navasiołki) i Makaraŭki (4 km na paŭdniovy zachad ad Vialikaj Navasiołki) i zachapili Navadaraŭku (14 km na paŭdniovy zachad ad Vialikaj Navasiołki) i Niaskučnaje (2 km na paŭdniovy zachad ad Vialikaj Navasiołki).
Niekatoryja rasijskija błohiery śćviardžali, što ŭkrainskija vojski prarvali pieršuju liniju rasijskaj abarony i prasunulisia ŭ hetym rajonie na 3 kiłamietry. Ekśpierty ISW adznačajuć, što na momant składańnia ranišniaj spravazdačy vizualnych paćviardžeńniaŭ hetych paviedamleńniaŭ nie było.
Google.maps
Z paviedamleńniaŭ taksama vynikaje, što rasijskija vojski stracili svaje pazicyi ŭ Lavadnym (18 km na paŭdniovy zachad ad Vialikaj Navasiołki), choć niezrazumieła, adbyłosia heta niadaŭna ci raniej.
Niekatoryja vajennyja błohiery śćviardžali, što ŭkrainskija siły raspačali abmiežavanyja kontrataki ŭ rajonie Małoj Takmački (28 km na paŭdniovy ŭschod ad Hulajpola), a rasijskija vojski nanieśli avijaŭdary pa atakujučych ukrainskich siłach kala Hulajpola.
Rasijskija krynicy ŭ asnoŭnym śćviardžali, što ŭkrainskija łakalnyja kontrataki byli raźviedvalnymi apieracyjami.
Čytajcie taksama:
Pačalisia bai ŭ rajonie Uremieŭskaha vystupu — kiraŭnik akupacyjnaj administracyi
«Płany lubiać cišyniu» — Minabarony Ukrainy
