Tvar ministra achovy zdaroŭja, jakomu skazali da kanca hoda likvidavać čarhu pa pratezavańni sustavaŭ. Skryn videa
U siužecie stali viadomyja novyja padrabiaznaści narady ŭ Łukašenki, dzie toj raskrytykavaŭ miedycynu, byccam ubačyŭ jaje ŭpieršyniu za amal 30 hadoŭ kiravańnia.
Łukašenka spytaŭ u ministra achovy zdaroŭja Dźmitryja Pinieviča, kolki ludziej staić u čarzie na endapratezavańnie sustavaŭ.
Toj adkazaŭ: 13,5 tysiačy čałaviek.
Łukašenka zahadaŭ da kanca hoda ŭsim im zrabić apieracyju.
Ministr pasprabavaŭ apraŭdacca:
— Prablema zaklučajecca ŭ tym, što i letaś, i sioleta byli składanaści… — pačaŭ jon (mahčyma, jon mieŭ na ŭvazie tak zvanuju «spravu traŭmatołahaŭ», u ramkach jakoj KDB kašmaryła artapiedaŭ pa ŭsioj respublicy).
— Nie budziem na hetym spyniacca, — adrezaŭ Łukašenka. — Da kanca hoda vy mnie ŭsie hetyja sustavy zamienicie!
— Da kanca hoda my ŭsie nie zamienim…
— Jašče jak zamieniš! Adzin budzie mianiać, a dvoje — zašyvać ranu. Idzicie i arhanizoŭvajcie.
Łukašenka papiaredziŭ pra adkaznaść miedykaŭ, a taksama zhadaŭ pra śmiarotnaść, źviestki pra jakuju nie publikujuć z časoŭ karanavirusa.
«Papiaredžvaju kateharyčna: kryj boža, da 1 studzienia mnie dałožać, što vy choć kosku nie vykanali abo paśla koski, ja nie kažu pra prusakoŭ, pierakošanyja dźviery, pra leki i inšaje — narakajcie sami na siabie. Usiudy pavinny być zruchi, a toje, što pavinna być vyrašanaje, pavinna być vyrašanaje. Prapišycie mnie punkt pa śmiarotnaści. Vynik vialikaj pracy miedyka — heta śmiarotnaść. Padumajcie, jak heta prapisać, kab heta možna było prakantralavać i ź ich spytać za śmiarotnaść. Razumiejecie, mianie naściarožvaje tendencyja», — skazaŭ Łukašenka.
Čytajcie taksama:
Łukašenka pryhraziŭ kiraŭnikam abłvykankamaŭ, što ździare ź ich skuru. Za što
U Navapołacku prajšli zatrymańni daktaroŭ u balnicy, kudy pryvozili Babaryku
