Kaho jašče ŭziali ŭ PVT i kudy idzie industryja na prykładzie naboru-2023

Fota: Belarus.by

Kolki rezidentaŭ u PVT

Da pieršaha sioletniaha naboru ŭ PVT uvachodziła 1061 kampanija, kali aryjentavacca na infarmacyju na aficyjnym sajcie parka. Paśla ŭklučeńnia 31 pačatkoŭca kolkaść rezidentaŭ nie vyrasła, a, naadvarot, skaraciłasia da 1060. Atrymlivajecca, što z PVT sioleta vyklučyli 30+ kampanij. Faktyčna adtok moža być bolšym. U śpisie rezidentaŭ, naprykład, dahetul fihurujuć kampanii, jakija syšli / sychodziać ź Biełarusi, u pryvatnaści, «Vanabaj», «Płejryks BiUaj», «Akviea».

Ad raspracoŭki da majninhu

Dev.by daviedaŭsia, chto ŭstupiŭ u PVT u 2023. Pavodle svajho profilu novyja rezidenty padobnyja da kampanij, što ŭvajšli ŭ PVT letaś: aŭtsors-raspracoŭka softu i prahram, hiejmdeŭ, fintech, majninh, hemblinh. 

1. «A3Kłaŭd Salušens» (data rehistracyi — kastryčnik 2021 hoda). Zajmajecca raspracoŭkaj i padtrymkaj softu z vykarystańniem vobłačnych technałohij. 
2. «AjPiPłam» (data rehistracyi — krasavik 2022 hoda). Raspracoŭščyk softu dla hulniavoha biznesu. Budzie raspracoŭvać prahramny kompleks LiveStream dla arhanizacyi i praviadzieńnia azartnych hulniaŭ u režymie žyvoj tranślacyi. 
3. «Bieł-Bitfajndar» (data rehistracyi — žnivień 2021 hoda). Zajmajecca majninham kryptavalut. 
4. «BIZONIKS» (data rehistracyi — listapad 2022 hoda). Praduktovaja kampanija, raspracoŭščyk softu dla Gambling (dla bukmiekierskich kampanij).
5. «Buchhałtarskija prahramy» (data rehistracyi — śniežań 2011 hoda). Śpiecyjalizujecca na ŭkaranieńni i padtrymcy prahramnaha zabieśpiačeńnia na asnovie płatformy 1S: Pradpryjemstva 8. 
6. «Deŭ Top» (data rehistracyi — červień 2022 hoda). Raspracoŭščyk web— i mabilnych prahram dla fintechu i jurystaŭ. 
7. «Dzieńhi» (data rehistracyi — studzień 2023 hoda). Apieratar kryptapłatformy.
8. «DzivaSoft» (data rehistracyi — žnivień 2022 hoda). Zojmiecca raspracoŭkaj ułasnych prahramna-aparatnych kompleksaŭ dla sielskaj haspadarki. 
9. «Iłavista Technoładžys» (data rehistracyi — studzień 2022 hoda). Raspracoŭščyk softu.
10. «Imiorsiŭ» (data rehistracyi — śniežań 2022 hoda). Źbirajecca raspracoŭvać ułasnuju mabilnuju hulniu Interio — simulatar stvareńnia interjeraŭ pamiaškańniaŭ.
11. «InDeŭ Salušens» (data rehistracyi — śniežań 2022 hoda). Zojmiecca stvareńniem adzinaj dziaržaŭnaj płatformy raspracoŭki sajtaŭ dziaržorhanaŭ.
12. «Krystał Soft» (data rehistracyi — žnivień 2022 hoda). Raspracoŭka Salesforce, ukaranieńnie i supravadžeńnie ŭnutranych prahram (Sales, Service, Community Cloud dy inšych).
13. «KiuDeIks» (data rehistracyi — listapad 2022 hoda). 
14. «Lid Pravajdar» (data rehistracyi — žnivień 2022 hoda). Płanuje raspracavać i dapracavać markietpłejs adukacyjnych pasłuh Educational Hub. 
15. «SAPRAŬDNYJA TECHNAŁOHII» (data rehistracyi — sakavik 2016 hoda). Raspracoŭka softu i prahram. 
16. «Pačatak časoŭ» (data rehistracyi — lipień 2022 hoda). Kansultacyjnyja pasłuhi ŭ halinie kampjutarnych technałohij.
17. «Novy kod» (data rehistracyi — vierasień 2022 hoda). Aŭtsorsinhavaja kampanija. 
18. «Aviervan» (data rehistracyi — maj 2020 hoda). Raspracoŭščyk softu, pravajdar kompleksnaj IT-adukacyi. 
19. «Pozityŭ Vju» (data rehistracyi — vierasień 2022 hoda). Raspracoŭščyk softu. 
20. «Renova Vižn» (data rehistracyi — kastryčnik 2022 hoda). Aŭtsorsinhavaja kampanija, raspracoŭvaje soft, web— i mabilnyja prahramy. 
21. «SiEjI Teknoładžy» (data rehistracyi — listapad 2021 hoda). Kampanija źjaŭlajecca padraździaleńniem amierykanskaj Capital Asset Exchange and Trading LLC. Heta hłabalny trejdar, pracuje na rynku paŭpravadnikoŭ. 
22. «SokałDeŭ» (data rehistracyi — listapad 2022 hoda). Raspracoŭščyk softu. 
23. «Sołviedzis» (data rehistracyi — krasavik 2016 hoda). Raspracoŭščyk softu.
24. «Solid Data» (data rehistracyi — vierasień 2008 hoda). Raspracoŭščyk softu. 
25. «Softamniteł» (data rehistracyi — lipień 2022 hoda). Prodaž sistem telefanii.
26. «Sportshiejm technoładžys» (data rehistracyi — kastryčnik 2022 hoda). Raspracoŭščyk softu. 
27. «Razumnyja DNK-technałohii» (data rehistracyi — kastryčnik 2022 hoda). Zojmiecca raspracoŭkaj rašeńniaŭ dla praviadzieńnia DNK-testaŭ. 
28. «FoksTry»: (data rehistracyi — kastryčnik 2019 hoda). Raspracoŭvaje rašeńni dla abmienu danymi i kamunikacyi ŭ internecie. Adno ź ich — mabilnaja prahrama SounterStroke, jakaja analizuje fizijałahičnyja paramietry čałavieka.
29. «Chaj Łeveł» (data rehistracyi — červień 2010 hoda). Raspracoŭka softu. 
30. «CHUA HUAŃ» (data rehistracyi — kastryčnik 2022 hoda). Majninh. 
31. «EkstBieł» (data rehistracyi — kastryčnik 2018 hoda). Raspracoŭščyk veb— i mabilnych prahram dla fintechu, achovy zdaroŭja, elektronnaj kamiercyi i łahistyki. 

Bolš jak pałova pačatkoŭcaŭ (19 kampanij, abo 60%+ ad ahulnaj kolkaści) zarehistravana ŭ 2022 hodzie.

«Najstarejšaja» kampanija — «Solid Data» (raspracoŭščyk softu) — była zarehistravana ŭ vieraśni 2008 hoda. 

Bolšaść novych rezidentaŭ — zvyčajny drobny aŭtsors z ukrapinami hemblinhu («BIZONIKS», «AjPiPłam») i raspracoŭki dla dziaržsiektara («InDeŭ Salušens»). 

Pra niekalki kampanij padrabiaźniej. 

Dakučlivy Overone

U lik rezidentaŭ PVT trapiła kampanija «Aviervan», jakaja była na słychu letaś praz svoj padychod da pašyreńnia klijenckaj bazy.

Ajcišniki (i nie tolki) skardzilisia, što im telefanujuć sa škoły IT-Overone i prapanoŭvajuć kursy dla ŭvachodžańnia ŭ IT bieź pieršapačatkovych navykaŭ i anhlijskaj movy. Telefanavali ŭsim biez vyklučeńnia, u tym liku vykładčykam kampanii. 

Surazmoŭcy dev.by mierkavali, što bazu abzvonu ŭ škole sfarmavali z usich dastupnych krynic i baz, uklučna z parsinham biełaruskich džabbordaŭ. Akramia taho, słuchačam na biaspłatnych zaniatkach prapanoŭvali pakidać numary znajomych. 

Sioleta škoła IT-Overone praciahvaje spamić usich, čyje kantakty moža zdabyć samymi niečakanymi sposabami.

«Amierykancy»

Niezvyčajna na fonie ahulnaj tendencyi sychodu biznesu z amierykanskim (u tym liku) kapitałam siarod pačatkoŭcaŭ PVT akazałasia amierykanskaja kampanija Capital Asset Exchange and Trading LLC. 

CAE była zasnavana ŭ 1982 hodzie ŭ Kalifornii. Hałaŭny ofis znachodzicca ŭ Ościnie (Techas). Maje ofisy ŭ Vienhryi, na Tajvani, u Paŭdniovaj Karei, u Kitai, u Japonii, u Sinhapury, u Biełarusi.

Kampanija — hłabalny trejdar fizičnych tavaraŭ, pracuje na rynku paŭpravadnikoŭ. Dapamahaje ŭkładać uhody kupli / prodažu liciejnym zavodam, vytvorcam abstalavańnia.

U kamandzie bolš za 345 supracoŭnikaŭ. Hałoŭny techničny dyrektar — Andrej Fiadźkovič. Na sajcie paznačana, što da prychodu ŭ CAE jon pracavaŭ mieniedžaram raspracoŭki softu ŭ Avanade (sumiesnaje pradpryjemstva Accenture i Microsoft). A datul byŭ Senior Software Architect u amierykanskaj kampanii pad cikavaj nazvaj KGB, jakaja zajmajecca akazańniem infarmacyjnych pasłuh.

Biełaruskaja jurydyčnaja asoba — TAA «SiEjI Teknoładžy» — była zarehistravana ŭ listapadzie 2021 hoda. U kampanii, jak vynikaje ź infarmacyi na sajcie, dva ofisy — u Homieli i Minsku. Novy rezident PVT płanuje pracavać nad doŭhaterminovymi prajektami raźvićcia ličbavaj handlovaj płatformy CAE.

Na sajcie kampanii raźmieščana siem vakansij dla raspracoŭščykaŭ, inžynieraŭ i data-analityka. Pracavać možna addalena albo ŭ ofisie.

U apisańni vakansij pieraličanyja niekatoryja bieniefity dla supracoŭnikaŭ. Naprykład, zarobak u dalarach dva razy na miesiac i bonusy. Kampanija častkova kampiensuje vydatki na sport i navučańnie, a taksama vydatki na miedycynu (stamatałohija, viadzieńnie ciažarnaści).

Kolki čałaviek pracuje ŭ Biełarusi — nieviadoma. U linkiedzinie my znajšli profili 20+ supracoŭnikaŭ kampanii, jakija paznačyli ŭ jakaści aktualnaj łakacyi Biełaruś.

Niekalki viadomych amierykanskich kampanij zakryli biznes i syšli ź Biełarusi ŭ 2022-2023. 

Syšli ź Biełarusi

WorkFusion: zajmajecca raspracoŭkaj technałohij dla aŭtamatyzacyi biznes-pracesaŭ. Siarod jaje zakazčykaŭ — najbujniejšyja suśvietnyja kampanii z Fortune Global 500, strachavyja i finansavyja karparacyi, banki. Hłabalny štat naličvaje 350+ pracaŭnikoŭ. U Biełarusi pracavała bolš za 100 śpiecyjalistaŭ. U 2021 hodzie kampaniju aceńvali ŭ $1+ młrd.

Softeq Development: raspracoŭvaje prahramnaje zabieśpiačeńnie i «žaleza» na zakaz dla takich klijentaŭ, jak Microsoft, Coca-Cola, Epson, Samsung. Taksama kampanija akazvaje pasłuhi ŭ halinie raspracoŭki veb-rašeńniaŭ, mabilnych prahram i hulniaŭ, ubudavanych sistem i nizkaŭzroŭnievych utylit, a taksama multypłatformiennych prahram. U minskim ofisie Softeq Development pracavała kala 280 śpiecyjalistaŭ.

Arteza: zajmajecca elektronnaj kamiercyjaj — prodažam tavaraŭ dla tvorčaści. U ZŠA rynak takich tavaraŭ aceńvajecca ŭ 60 miljardaŭ dalaraŭ. Hadavy abarot kampanii — 100 miljonaŭ dalaraŭ. Uklučana ŭ rejtynh samych chutkarosłych pryvatnych amierykanskich kampanij Inc. 5000, u top-100 pradaŭcoŭ Amazon. U Minskaj kampanii pracavała 150+ čałaviek.

EIS Group: stvaraje pradukty dla aŭtamatyzacyi biznes-pracesaŭ strachavych kampanij. Płatforma EIS Suite vykarystoŭvajecca strachavymi kampanijami pa ŭsim śviecie. Hłabalny štat naličvaje 1200+ čałaviek, u Minsku pracavała kala 250 supracoŭnikaŭ.

Mierkavańnie ekśpierta

Paprasili pradstaŭnika IT-industryi acanić pieršy sioletni patok rezidentaŭ PVT: 

— Praktyčna ŭsie novyja rezidenty nie źviazanyja z kamiercyjnym zamiežnym rynkam. Pačynajučy ad CAE, jaki ŭjaŭlaje saboj svojeasablivy bekofis raspracoŭki, pracuje na hałaŭnuju kampaniju, a nie inšych zakazčykaŭ, zakančvajučy hemblinham i apieratarami kryptapłatformaŭ. Heta śpiecyfičnyja haliny. Navat kali kampanii pracujuć na B2C, ich składana ličyć «praduktovymi», a ich łakacyi jak lohka źjaŭlajucca, tak i źnikajuć. U najlepšym vypadku heta taksama bekofisy. Druhaja katehoryja — skiravanyja na dziaržsiektar jurydyčnyja asoby. Treciaja — aŭtsors, ale źviazany pieravažna ź miascovym rynkam.

Uvohule, za paraj vyklučeńniaŭ vielmi pakazalny nabor rezidentaŭ. Jon dobra demanstruje, kudy pastupova pavaročvajecca IT-siektar.

2

2

1

0

4

1

Nashaniva.com