Siońnia ŭnačy Rasija znoŭ abstralała Ukrainu «Šachiedami»
Śviatło taksama źnikła ŭ Charkaŭskaj vobłaści, častkova — u Dnieprapiatroŭskaj vobłaści, u Pałtavie i Adesie (tam paviedamlajuć pra avaryju na linii elektrapieradač).
Aficyjna pryčyny takoha maštabnaha adklučeńnia śviatła pakul nie nazyvajucca.
Z 2022 hoda Rasija atakuje enierhietyčnuju strukturu Ukrainy, što pryvodzić da adklučeńniaŭ ciapła i śviatła. Pry hetym u sakaviku hetaha hoda kiraŭnik Nacyjanalnaj enierhakampanii «Ukrenierha» Vadzim Kudrycki kazaŭ, što viasnoj i letam situacyja z elektraenierhijaj va Ukrainie budzie stabilnaj.
«U najbližejšyja šeść miesiacaŭ u nas u enierhasistemie budzie dastatkova elektraenierhii dla pakryćcia patrebaŭ spažyŭcoŭ, — zajaviŭ Kudrycki ŭ efiry ŭkrainskaha telebačańnia. — Ukrainskaja enierhasistema ŭvachodzić u jeŭrapiejskuju sistemu, a značyć, my budziem mieć mahčymaść impartavać elektraenierhiju, kali nam nie budzie chapać svajoj — i heta vielmi važny faktar enierhietyčnaj biaśpieki krainy».
Čytajcie taksama:
Čarhovaja načnaja ataka na Kijeŭ. Pavietranaja tryvoha doŭžyłasia amal try hadziny
