Trahiedyja adbyłasia ŭ niadzielu, na nastupny dzień paśla vyjaznoha matča paryžan sa «Strasburham» (1:1) u pieradapošnim tury Lihi 1. Pa vynikach hetaj sustrečy «PSŽ» aficyjna aformiŭ čempijonstva ŭ francuzskim čempijanacie.
Paśla matča Ryka, jaki pravioŭ usiu hulniu na łavie zapasnych, atrymaŭ dazvoł ad kłuba źjeździć u rodnuju Ispaniju. Sierchia płanavaŭ pravieści niadzielu ź siamjoj i siabrami, u pryvatnaści, naviedać nabaženstva ŭ pasiołku El-Rosia na poŭdni krainy, jaki viadomy jak centr pałomnictva katalikoŭ.
Spačatku ispanskija miedyja pisali, što tam Ryka ździejsniŭ konnuju prahułku, ale jaho skinuŭ koń. Paśla svajaki Cierchia dali inšuju infarmacyju: Ryka išoŭ da chrama, ale z zaprežki pobač vyrvaŭsia koń i pabieh prosta na hulca.
U kožnym razie Sierchia byŭ atakavany kaniom i atrymaŭ niekalki ŭdaraŭ kapytom. Vyniki hetaha mohuć być katastrafičnymi. Futbalista terminova transpartavali na viertalocie ŭ lakarniu ŭ Sievilji, tam acanili stan jak ciažki.
Pa infarmacyi vydańnia SORIE, u 29-hadovaha hulca adbyłosia krovaźlićcio ŭ mozh.
