Fota: iihf.com
Łatvija viała ŭ liku 1:0, 2:1, potym dvojčy prapuściła, ale zmahła zraŭniać lik. Asnoŭny čas skončyŭsia ź likam 3:3. A ŭ aviertajmie Rubins pastaviŭ pieramožnuju kropku 4:3!
Dla našych paŭnočna-zachodnich susiedziaŭ heta vialikaje dasiahnieńnie. Jany ŭpieršyniu ŭ historyi prabilisia ŭ paŭfinał i ŭpieršyniu vyjhrali miedali.
Zaŭtra łatvijcy hierojami viernucca na radzimu ź Finlandyi. Fiederacyja chakieja paprasiła zaŭziataraŭ nie jechać u aeraport, a sustrecca z kamandaj kala pomnika Svabody.
U 20:20 pačniecca finał Kanada — Niamieččyna.
Zbornyja Biełarusi i Rasii druhi hod zapar nie biaruć udziełu ŭ čempijanacie śvietu. Ich adchilili z-za vajny va Ukrainie.
