Infarmacyjnuju tabličku z naniesienym QR-kodam kala abieliska na miescy spalenaj vioski Borki žychar Čyści Alaksandr Ratkievič ubačyŭ napiaredadni 9 Maja. Adrazu ŭzradavaŭsia: hramadski prajekt «Zachavajem historyju» dajšoŭ i da Vilejki. A aznajomiŭsia ź jaje źmiestam — i zasmuciŭsia, piša vydańnie.
Historyju źniščeńnia Borak jon ułasna čuŭ ad śviedki padziejaŭ — žycharoŭ vioski spalili, a nie rasstralali.
— Historyju šmatpakutnaj vioski Borki viedaju ź dziciačych hadoŭ, pakolki naradziŭsia ŭ susiedniaj ź joj Sakałoŭcy, — raskazaŭ krajaznaŭca. — Školnikam chadziŭ siudy na ekskursii, u stałym uzroście braŭ udzieł u restaŭracyi abieliska, ustalavanaha na miescy trahiedyi. Pra trahiedyju Borak mnie nie raz raskazvała Faina Kučko, na toj čas maleńkaja dziaŭčynka, jakoj prosta cudam udałosia vyžyć u achoplenaj połymiem vioscy. Ležačy pad hrudaj suchich halinak u sadzie, jana hladzieła na chleŭ, u jakim daharali rodnyja i susiedzi. Paśla vajny na jaho miescy ŭstalavali miemaryjał. Tady adkul infarmacyja, što žycharoŭ rasstralali, a damy padpalili?
Znajšoŭ krajaznaŭca pamyłki i ŭ miemaryjalnym kompleksie ŭ vioscy Lubča. Tam pamyłkova paznačyli kolkaść zahinułych miascovych žycharoŭ.
— U Borkach zahinuli 97 čałaviek, u Lubčy — 93, — raspaviadaje Alaksandr. — U roznych źviestkach kolkaść ludziej adroźnivajecca. Ale zusim nie na šmat — na 3-4 čałavieki. Adkul ža tady infarmacyja, što ŭ Lubčy było zabita «kala 557 čałaviek», 80 ź jakich — dzieci?
— Źviazaŭsia z supracoŭnikam Vilejskaha krajaznaŭčaha muzieja, adpraviŭ im fatahrafii. Płanujem pracu nad pamyłkami, — kaža Alaksandr.
Čytajcie taksama:
Hienprakuratura źbirajecca zajmacca hienacydam jašče 5—7 hadoŭ
Viadučamu «Pola cudaŭ» raskazali ŭ Minsku pra hienacyd
Hienprakuror Švied patłumačyŭ, navošta jany chočuć sudzić pamierłych nacystaŭ
