Źniščalnik F-16. Fota: Wikimedia Commons

Źniščalnik F-16. Fota: Wikimedia Commons

Na pastaŭku źniščalnikaŭ F-16 va Ukrainu sydzie ŭ najlepšym vypadku niekalki miesiacaŭ. Pra heta zajaviŭ u paniadziełak ministr VPS ZŠA Frenk Kiendał, paviedamlaje «Jeŭrapiejskaja praŭda».

Administracyja prezidenta ZŠA pakul dała mała detalaŭ nakont płanu asnaščeńnia ŭkrainskich VPS źniščalnikami amierykanskaj vytvorčaści abo inšymi samalotami čaćviortaha pakaleńnia paśla taho, jak Džo Bajden abviaściŭ u piatnicu, što ZŠA padtrymajuć sumiesnyja vučeńni ŭkraincaŭ.

Viadoma, što amierykanski piersanał budzie ŭdzielničać u vučeńniach razam z sajuźnikami i partniorami ŭ Jeŭropie.

Pa słovach Kiendała, projdzie prynamsi «niekalki miesiacaŭ», pierš čym Ukraina atrymaje mahčymaść ekspłuatavać F-16. Jon padkreśliŭ, što treba budzie prapracavać šerah detalaŭ, pierš čym ukrainskija VPS zmohuć lotać na zachodnich samalotach u vialikaj kolkaści.

«My ni pry jakich abstavinach nie źbirajemsia pieradavać F-16 abo inšy zachodni źniščalnik u značnaj kolkaści ŭ ruki ŭkrainskich VPS raniej, čym praź niekalki miesiacaŭ», — skazaŭ Kiendał žurnalistam.

«Niekalki miesiacaŭ» — heta adnosna nievialikija terminy, bo, pa słovach aficyjnaha pradstaŭnika VPS ZŠA, padrychtoŭka novaha amierykanskaha piłota na hetym samalocie zvyčajna zajmaje bolš za dva hady. Navat kurs pierapadrychtoŭki dla piłota F-16, jaki na čas adyšoŭ ad kiravańnia samalotam, moža zaniać da piaci miesiacaŭ.

Čytajcie taksama:

ZŠA ŭ apošnija tydni dali zrazumieć jeŭrapiejskim sajuźnikam, što dazvolać pieradać Ukrainie źniščalniki F-16 — CNN

Samaloty F-16 Ukrainie: što heta pamianiaje

CNN: Ukraina sapraŭdy ŭžo vykarystoŭvała rakiety Storm Shadow

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?