Fota: vitvesti.by

Fota: vitvesti.by

Jak vynikaje z materyjałaŭ spravy, užo z 2018 hoda lnozavod maje niaŭstojlivaje ekanamičnaje stanovišča. Ciapier kredytorskaja zapazyčanaść pradpryjemstva składaje 4 376 169 rubloŭ 30 kapiejek, ź jakich 953 947 rubloŭ 2 kapiejki — abaviazkovyja płaciažy.

Na lnozavodzie pracuje 55 čałaviek, jon zajmajecca pierapracoŭkaj ilnotrasty, u tym liku i dla dziaržaŭnaha pradpryjemstva «Lozna-lon», jakoje nie maje svaich vytvorčych mahutnaściaŭ. Raniej ilnozavod taksama sam vyroščvaŭ lon, adnak viasnoj 2022 hoda jaho pierastali siejać.

Sud pryznačyŭ na pradpryjemstva časovaha kiraŭnika i vyznačyŭ achoŭny pieryjad terminam da 10 lipienia.

Loźnienski lnozavod zasnavany bolš za 90 hadoŭ tamu, 5 śniežnia 1930 hoda. Ciapier AAT «Loźnienski lnozavod» strukturna ŭvachodzić u abjadnańnie «Viciebskabllon».

Kaliści vielmi raźvitaje ŭ Biełarusi lnavodstva ŭžo šmat hadoŭ znachodzicca ŭ kryzisie, Łukašenka jašče ŭ 2019 hodzie zahadvaŭ aptymizavać kolkaść ilnozavodaŭ u Viciebskaj vobłaści šlacham ich skaračeńnia. I hety praces idzie da hetaha času. A rašeńni ab madernizacyi haliny prymalisia jašče raniej. 

U kastryčniku 2021 hoda, darečy, na Loźnienskim ilnozavodzie adbyŭsia bujny pažar, jaki siarod inšaha staŭ admietny i tym, što padčas jaho tušeńnia pamior namieśnik načalnika Viciebskaha abłasnoha ŭpraŭleńnia MNS Andrej Mazol. U jaho nie vytrymała serca.

Čytajcie taksama:

Lon — supierieža

Mačuliščy, Mačuliščy… A što značyć pa-biełarusku «mačulišča»?

Piać łakalnych biełaruskich brendaŭ adzieńnia, pra jakija vy mahli nie viedać. A darma

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?