Alaksieja Špileŭskaha pryznali najlepšym pa vynikach hałasavańnia futbalistaŭ lihi, pišacca na aficyjnaj staroncy kłuba.

Alaksiej — syn viadomaha futbolnaha ahienta Mikałaja Špileŭskaha. Naradziŭsia ŭ Minsku ŭ 1988 hodzie, razam z baćkami emihravaŭ u Niamieččynu. Hulaŭ za moładzievuju kamandu «Štutharta». U 2006-m traŭmavaŭ śpinu i skončyŭ karjeru hulca. U 2011 hodzie atrymaŭ trenierskuju licenziju. Treniravaŭ spačatku dziciačyja i junackija kamandy.

U kancy červienia 2018 hoda ŭznačaliŭ trenierski štab «Dynama Brest», ale ŭ žniŭni z-za kanfliktu i nieparazumieńnia z kiraŭnictvam pakinuŭ kłub. U listapadzie 2018 hoda staŭ hałoŭnym trenieram kazachstanskaha «Kajrata», ź jakim u 2020 hodzie vyjhraŭ załatyja miedali.

U červieni 2021 hoda Špileŭski viarnuŭsia ŭ Niamieččynu, kab uznačalić kłub druhoha dyvizijona «Erchebirhe», adnak praź niekalki turaŭ byŭ zvolnieny z-za kiepskich vynikaŭ. U lutym 2022 hoda ŭznačaliŭ limasolski «Arys», jakim vałodaje biełarus Uładzimir Fiodaraŭ. U minułym siezonie kłub finišavaŭ čaćviortym. A sioleta kłub idzie na pieršym miescy ŭ čempijanacie. Za svaju 90-hadovuju historyju «Arys» ni razu nie byŭ čempijonam krainy.

Za kłub hulaje dvoje biełarusaŭ, Jaŭhien Jabłonski i Arciom Šumanski, a pijar-mieniedžaram źjaŭlajecca biełaruski žurnalist Alaksiej Dazorcaŭ.

Čytajcie taksama:

Asablivy. Žaze Maŭryńju dvojčy za dva siezony vyvieŭ «Romu» ŭ jeŭrakubkavy finał

«Mančester Sici» razhramiŭ «Reał» i vyjšaŭ u finał Lihi čempijonaŭ

FIFA pradstaviła łahatyp čempijanatu śvietu pa futbole 2026 hoda. I jon vielmi dziŭny

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?