Ursuła fon der Lajen. Fota: AP Photo/Markus Schreiber

Ursuła fon der Lajen. Fota: AP Photo/Markus Schreiber

Sa słoŭ fon der Lajen, padrychtavanyja Jeŭrakamisijaj zachady źjaŭlajucca «faktyčna papiaredžańniem ab tym, što jany surjozna staviacca da svaich sankcyj, što jany mohuć zabaranić ekspart peŭnych tavaraŭ u trecija krainy, kali jość dakładnyja dokazy taho, što heta abychod sankcyj i pastaŭki ŭ Rasiju».

«My bačym, što isnuje nieadpaviednaść pamiž tym, što pačynajecca ŭ Jeŭrapiejskim Sajuzie, prachodzić tranzitam praz Rasiju, a zatym akazvajecca ŭ treciaj krainie. I tamu my abmiarkoŭvajem jak strymlivajučy faktar pytańnie ab tym, ci pavinna być takaja zabarona na tranzit», — patłumačyła jeŭračynoŭnica.

Kiraŭnica Jeŭrakamisii, praŭda, nie ŭdakładniła, jak mienavita budzie pracavać hety miechanizm, i zhadała, što havorka idzie pra «niekalki kantrolnych punktaŭ», jakija buduć paćviardžać nieabchodnaść abmiežavańniaŭ.

Taksama, dadała jana, novy pakiet sankcyj moža pašyryć śpis tavaraŭ ES, zabaronienych dla tranzitu praz Rasiju. Raniej pra takija abmiežavańni aficyjna nie paviedamlałasia, ale ŭ ES paćviardžali, što impart u Rasiju takich tavaraŭ, jak paŭpravadniki i intehralnyja schiemy, z takich krain, jak Kazachstan, Abjadnanyja Arabskija Emiraty, Turcyja, Kitaj i inšyja, rezka vyras z pačatkam poŭnamaštabnaj vajny va Ukrainie.

Čytajcie taksama:

U Rasii «zhubilisia» jeŭrapiejskija tavary na 1 miljard dalaraŭ

Sankcyi ES mohuć pašyrycca na kitajskija kampanii za pastaŭki ŭ Rasiju. Kitaj papiaredžvaje pra nastupstvy

Jeŭrasajuz prydumlaje, jak uździejničać na krainy, što dapamahajuć abychodzić sankcyi

Клас
7
Панылы сорам
1
Ха-ха
0
Ого
0
Сумна
0
Абуральна
0