Fatahrafii, pieradadzienyja z kaśmičnaha karabla niekalki dzion tamu. Fota: iSpace

Fatahrafii, pieradadzienyja z kaśmičnaha karabla niekalki dzion tamu. Fota: iSpace

Kampanija iSpace, jakaja bazujecca ŭ Tokia, spadziavałasia, što pasadačny modul vypuścić daśledčy ŭsiudychod, a taksama robata pamieram z tenisny miač, raspracavanaha vytvorcam cacak.

Suviaź ź miesiacovym pasadačnym modulem Hakuto-R była stračana za niekalki chvilin da taho, jak jon pavinien byŭ pryziamlicca.

«Suviaź źnikła, tamu my vymušanyja vykazać zdahadku, što nam nie ŭdałosia ździejśnić pasadku na pavierchniu Miesiaca», — zajaviŭ vykanaŭčy dyrektar iSpace Takiešy Chakamada, pakul inžyniery ŭ Tokia sprabavali adnavić suviaź. Ciapier jany sprabujuć vyśvietlić, što ž pajšło nie tak.

Pa słovach Chakamady, kaśmičny karabiel byŭ zapuščany z mysa Kanavierał u Fłarydzie na rakiecie SpaceX letaś u śniežni i vykanaŭ vosiem ź dziesiaci zadač kaśmičnaj misii, vyniki jakich pasłužać dla padrychtoŭki nastupnaj sproby iSpace vysadzić miesiacovy modul. Jana zapłanavana na 2024 hod. Karabiel dla jaje ŭžo budujecca.

Kali b pasadka modula Hakuto-R była paśpiachovaj, to kaśmičnaja prahrama Japonii atrymała b dadatkovy stymuł. U apošni čas jaje pieraśledvali niaŭdačy, pry tym, što ŭ krainy vialikija ambicyi pa stvareńni ŭłasnych kaśmičnych technałohij, uklučajučy adpraŭku japonskaha kasmanaŭta na Miesiac da kanca hetaha dziesiacihodździa.

Na siońniašni dzień tolki ZŠA, SSSR i Kitaj ździejśnili miakkija pasadki kaśmičnych karabloŭ na pavierchniu Miesiaca, ich prahramy finansavalisia dziaržavaj. Sproby Indyi i pryvatnaj kampanii ź Izraila paciarpieli niaŭdačy.

Čytajcie taksama:

SpaceX z druhoj sproby zapuściła rakietu Starship, ale radavalisia niadoŭha

Rasijski spadarožnik byŭ źniščany na arbicie pa nieviadomych pryčynach — utvaryłasia vobłaka abłomkaŭ

Клас
1
Панылы сорам
2
Ха-ха
2
Ого
2
Сумна
9
Абуральна
0