Biblijateki pašyrajuć čas (z 19 da 23 hadzin) i farmat svajoj pracy i ładziać knižnyja vystavy, publičnyja čytańni, akcyi i inšyja kulturnyja imprezy, paviedamlaje Reform.by

Samaja nasyčanaja prahrama čakajecca ŭ Centralnaj navukovaj biblijatecy NAN Biełarusi. «Terytoryja navuki» — heta adzinaccać roznaha kštałtu interaktyŭnych vystaŭ z ekskursavodami. Šmat muzyki, art-łabaratoryja, muziej zajmalnych navuk.

Možna budzie ździejśnić zajmalnaje padarožža ŭ dalokaje minułaje i vyvučyć ekspanaty archieołaha-antrapałahičnaj vystavy «Skura dy kostki», abiacajuć arhanizatary mierapryjemstva. A taksama adčuć siabie sapraŭdnymi daśledčykami mikraśvietu i katalizataraŭ i dakranucca da tajamnic chimičnych źjaŭ.

«Čapać rukami nie tolki nie zabaraniajecca, a vielmi navat dazvalajecca… ekspanaty interaktyŭnaj vystavy muzieja zajmalnych navuk «EKŚPIRImJeNtuS»! Niezvyčajnuju kalekcyju hałavałomak z usiaho śvietu vysoka aceniać amatary intelektualnaha volnaha času».

Taksama prapanujuć błok navukova-papularnych lekcyj. Antrapołahi raspaviaduć pra toje, jak źmianialisia ludzi na praciahu apošniaj tysiačy hadoŭ. Historyk Aleh Dziarnovič raskaža pra freski Kreŭskaha zamka. Alaksandr Doŭnar raspaviadzie pra mastackaje azdableńnie staražytnych rukapisaŭ. Taćciana Daŭhač — pra epidemii XIX stahodździa. Vadzim Urubleŭski paznajomić z knihami pa hienieałohii Biełarusi.

Nacyjanalnaja biblijateka Biełarusi ŭdzielničaje ŭ akcyi «Biblijanoč—2023» z temaj «BiblijaImpuls». U prahramie — aktyŭnyja kviesty ad kampanii «Kviestoryja», «Litaraturny sałon» z členam Sajuza piśmieńnikaŭ Biełarusi Irynaj Karnavuchavaj, šachmatna-šašačnyja turniry, «nastołki» ad Hobby World, «etnaviečaryna» z fołk-hurtom Guda i kapełaj tradycyjnaj muzyki «Aniahož», čajny rytuał «Try kubki tekstu», lekcyi advakata, astrapsichołaha, astrołaha, nutrycyjołaha, imidž-stylista, majstar-kłasy pa fantastyčnaj ilustracyi, sučasnych balnych tancach, indyjskim tancy i mnohaje inšaje!

Maleńkich haściej paciešać akvahrym, majstar-kłasy i ŭzorny teatr lalek «Vasilok», art-teatr Vershina, cyrkavaja studyja Fantasy, tvorčyja sustrečy ź dziciačaj piśmieńnicaj Alenaj Masła i paznavalnaja IT-prahrama ad vučebnaha centra «Ajciłandyja».

U akcyi prymuć udzieł nastupnyja biblijateki:

U Minsku:

Nacyjanalnaja biblijateka Biełarusi (pr. Niezaležnaści, 116), tema «BiblijaImpuls»;

Centralnaja navukovaja biblijateka imia Jakuba Kołasa NAN Biełarusi i Biełaruskaja sielskahaspadarčaja biblijateka imia I.S.Łupinoviča NAN Biełarusi (vuł. Surhanava, 15), tema «Terytoryja navuki»;

Respublikanskaja navukovaja miedycynskaja biblijateka (vuł. Fabrycyusa, 28), tema «Načny abaniemient»;

Centralnaja dziciačaja biblijateka imia M.Astroŭskaha (pr. Haziety «Praŭda», 20a), tema «Biblijapryciemki «Kniha i kampanija».

Centralnaja biblijateka imia Janki Kupały (vuł. V. Charužaj, 16), tema «Tradycyi. Toje, što nas abjadnoŭvaje»;

Biblijateka №13 (vuł. Narodnaja, 43a), tema «Kniha. Muzyka. Teatr».

U rehijonach:

Navukovaja biblijateka Hrodzienskaha dziaržaŭnaha ŭniviersiteta imia Janki Kupały;

Astravieckaja rajonnaja biblijateka.

Centralizavanaja sistema dziaržaŭnych publičnych biblijatek Mahilova;

sietka biblijatek Kiraŭskaha rajona;

biblijatečnaja sietka Kličaŭskaha rajona;

biblijatečnaja sietka Kryčaŭskaha rajona;

Centralizavanaja sietka publičnych biblijatek Słaŭharadskaha rajona;

biblijatečnaja sietka Chocimskaha rajona;

Centralizavanaja biblijatečnaja sietka Škłoŭskaha rajona.

Uvachod na mierapryjemstvy volny.

Клас
1
Панылы сорам
0
Ха-ха
0
Ого
0
Сумна
0
Абуральна
0