Daniel Kyjv. Fota z fejsbuka

Daniel Kyjv. Fota z fejsbuka

U sacyjalnych sietkach iduć haračyja dyskusii na temu taho, ci padychodzić junak na rolu daradcy ministra, bo, choć jon i viadzie aktyŭnaje palityčnaje žyćcio, jamu ŭsiaho 19 hadoŭ. Dadatkovaje abureńnie vyklikaŭ toj fakt, što ŭ jakaści daradcy Kyjv budzie atrymlivać zarobak sumaj bolš za 2 tysiačy jeŭra (bruta), piša Tartu Postimees.

Daniel Kyjv paviedamiŭ, što jaho zadača budzie zaklučacca ŭ arhanizacyi pracoŭnaha dnia ministra, a nie ŭ kansultavańni Kryściny Kałas, jakaja maje doktarskuju stupień.

«Varta patłumačyć, što ja nie budu daradcam pa kantencie. U nas jość takija daradcy z doktarskaj stupieńniu. Što datyčyć majoj roli, to, ja dumaju, takomu ambicyjnamu ministru, jaki sapraŭdy pravodzić reformy, patrebny chtości, chto moža iści ŭ nahu z časam. Ja liču, što taki małady čałaviek, jak ja, trochi varjat, trochi ambicyjny, jaki pracuje z dušoj, budzie ŭsialak karysny. Ja zdolny trymać temp i sapraŭdy kročyć u nahu», — raskazaŭ žurnalistam Daniel.

Jaho słužbovymi abaviazkami budzie kruhłasutačna zabiaśpiečvać jakasnaje vykanańnie ministram svajoj asnoŭnaj pracy. Heta padrychtoŭka karotkich natatak, napisańnie raskładu, kab ministr viedała, dzie jana pavinna być, i nie pieražyvała za toje, pryjedzie kiroŭca ci nie. To-bok ministr nie pavinna turbavacca pra administracyjnyja spravy.

«Kali mnie jość što skazać, ja zaŭsiody mahu stvaryć dopis, ale maja rola nie davać parady, heta sapraŭdy nie tak. Maja rola moža być vykłaści punkt hledžańnia maładoha čałavieka ŭ kamunikatyŭnaj formie, ale rašeńni prymajucca ministram sumiesna ź ludźmi, jakija źjaŭlajucca ekśpiertami ŭ hetaj halinie», — dadaŭ Daniel.

Chłopiec pačaŭ pracavać u 12 hadoŭ, spačatku na fabrycy, zatym byŭ mieniedžaram pa kamunikacyjach adnaho startapa ŭ Narvie, a taksama kiraŭnikom restarana z 80 rabotnikami.

Čytajcie taksama:

Ułady Estonii płanujuć prypynić udzieł hramadzian Rasii i Biełarusi ŭ miascovych vybarach

Piać krain, dzie lepš za ŭsio hadavać dziaciej 

Клас
24
Панылы сорам
4
Ха-ха
2
Ого
6
Сумна
1
Абуральна
4