white mouse biełaja myš

Ilustracyjnaje fota: pixabay

Daśledčyki sa Stanford Medicine zrabili šmatabiacalnaje adkryćcio, jakoje moža pryvieści da źjaŭleńnia novych mietadaŭ lačeńnia raku. Navukoŭcy praviali testy, padčas jakich jany źmianili hienomy skurnych mikrobaŭ i bakteryj dla baraćby z rakam. Hetyja źmienienyja mikroby byli naniesienyja na chvorych na rak myšej — i puchliny pačali litaralna źnikać.

Bakteryja, pra jakuju idzie havorka — Staphylococcus epidermidis — była ŭziataja z poŭści myšej i źmienienaja dla vytvorčaści białku, jaki stymuluje imunnuju sistemu ŭ dačynieńni da peŭnych puchlin. I ekśpierymient mieŭ ašałamlalny pośpiech: madyfikavanyja bakteryi źniščali ahresiŭnyja typy mietastatyčnaha raku skury paśla akuratnaha naniasieńnia na poŭść, a vyniki byli dasiahnutyja biez prykmietnaha zapaleńnia.

«Heta zdavałasia amal mahijaj, — prakamientavaŭ Majkł Fišbach, dacent kafiedry bijainžynieryi ŭ Stenfardzie. — U hetych myšej na baku raśli vielmi ahresiŭnyja puchliny, i my pryznačyli dla ich miakkaje lačeńnie, my prosta ŭziali tampon z bakteryjami i pacierli im poŭść na hałavie».

Navukoviec pryznaŭsia, što daśledčyki nie adrazu pavieryli svaim vačam: puchliny źnikali na miescy, adnosna dalokim ad miesca naniasieńnia bakteryj.

MIT Technology Review nazvaŭ padzieju surjoznym praryvam

U hetym vypadku navukoŭcy vyjavili, što kletki epidermisu stafiłakoka vyklikajuć vypracoŭku imunnych kletak z ekzatyčnaj nazvaj CD8 T, tłumačyć Engaget. Daśledčyki zachapili S. epidermidis dla vytvorčaści CD8 T-kletak, nakiravanych na vypracoŭku peŭnych antyhienaŭ, źviazanych, u pryvatnaści, z puchlinami raku skury. Kali CD8 T-kletki sutykalisia z adpaviednaj puchlinaj, jany pačynali chutka razmnažacca i skaračać jaje masu — abo ŭvohule całkam niščyli puchlinu.

Tut važna razumieć, što choć ludzi i myšy bijałahična padobnyja ŭ mnohich aśpiektach, ale isnuje šmat mietadaŭ lačeńnia, jakija dziejničajuć na myšej i adnačasova nie dziejničajuć na ludziej. Pakul daśledčyki nie mohuć skazać, ci vyklikaje S. epidermidis imunnuju reakcyju ŭ čałavieka, choć naša skura litaralna ŭsiejanaja hetymi arhanizmami. Kali hetaha nie adbudziecca, navukoŭcam, mahčyma, spatrebicca šukać inšy mikrob, kab źmianić jaho na našu karyść.

Taksama treba vyśvietlić, ci pieraniasucca pieravahi ad vynajdzienaha mietadu lačeńnia puchlin skury (jaki pakul pakazaŭ efiektyŭnaść tolki pry źniešnim miascovym prymianieńni) na rak unutranych orhanaŭ. Ciapier kamanda Stenfarda kaža, što jany čakajuć pačatku vyprabavańnia na ludziach ciaham nastupnych niekalkich hadoŭ, choć spatrebiacca dadatkovyja vyprabavańni — jak na myšach, tak i, chutčej za ŭsio, na inšych žyviołach.

Siońnia ŭsio bolš uvahi pryciahvaje vyvučeńnie bijomaŭ kišačnika. Ale svoj asobny śviet isnuje i na pavierchni skury: ź miljonami bakteryj, hryboŭ i virusaŭ, uździejańnie i značeńnie dla arhanizma mnohich ź jakich jašče maje być vyśvietlenaje.

Čytajcie taksama:

Novy padychod da vyjaŭleńnia puchlin: navukoŭcy šukajuć mikroby i hrybki

Jak miljardy mikraarhanizmaŭ u kišečniku mohuć umacavać vaša psichičnaje zdaroŭje

Dermatołah raskazaŭ, jak praduchilić suchaść skury

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?