Volha Karač, stvaralnica «Našaha doma». Fota Ofisa Cichanoŭskaj

Volha Karač, stvaralnica «Našaha doma». Fota Ofisa Cichanoŭskaj

Sama rassyłka lista, adrasatami jakoha byli paznačany deputaty Siejma i nibyta padpisanaha arhanizacyjaj «Naš dom», jakuju stvaryła Volha Karač, była ažyćcioŭlenaja napiaredadni razhladu ŭ litoŭskim parłamiencie zakona, na jaki nakłaŭ vieta prezident Litvy Hitanas Naŭsieda. 

Sajt, ź jakoha była zroblenaja rassyłka (nashdom-by.online), «lažyć» na ŭkrainskim chostynhu Hostsila (Hostpro.ua) na ŭkrainskim data-centry, a rehistracyjnyja źviestki — fejkavyja.

Niesapraŭdny sajt «Našaha doma» pryviazany da elektronnaj pošty [email protected], a ŭ jakaści adrasa administratara paznačanyja Złučanyja Štaty Amieryki, štat Mičyhan, pasiołak Bilinhz.

Sapraŭdny sajt «Našaha doma» (nash-dom.info) znachodzicca na inšym chostynhu.

Taksama admietna, što list napisany vyklučna pa-rusku, a «Naš dom» padčas rassyłki zvyčajna pierakładaje tekst na inšyja movy. U svajoj zajavie «Naš dom» źviartaje ŭvahu na toje, što ź dziaržaŭnymi strukturami Litvy kamunikacyju jany viaduć vyklučna na dziaržaŭnaj litoŭskaj movie.

Niezrazumieła, chto mienavita dasłaŭ hetyja listy deputatam, ale ŭkrainski chostynh hostpro niemahčyma apłacić biełaruskaj ci rasijskaj kartkaj naŭprost.

Ciažka skazać, jakaja była meta hetaj rassyłki — spravakavać deputataŭ, nastroić litoŭcaŭ suprać biełarusaŭ abo, naadvarot, pryciahnuć uvahu.

«Naš dom» i «Dapamoha» admaŭlajuć svaju datyčnaść da rassyłki.

U svaim abviaržeńni «Naš dom» śćviardžaje, što hetaja infarmacyja — fejk, stvorany «z metaj dyskredytavać «Naš dom» u vačach deputataŭ litoŭskaha Siejma».

U liście, datyčnaść da jakoha asprečvaje «Naš dom», źmiaščałasia patrabavańnie vyklučyć biełarusaŭ ź litoŭskaha zakona, jaki praduhledžvaje abmiežavańni dla hramadzian Rasii i Biełarusi, a ŭ advarotnym vypadku jaho aŭtar pahražaŭ masavymi pratestami.

Paśla vieta, nakładzienaha prezidentam Hitanasam Naŭsiedam, litoŭski parłamient paŭtorna razhledzieŭ źmieny ŭ zakonach ab abmiežavańni hramadzian Rasii i Biełarusi u pravach na nabyćcio nieruchomaści i atrymańnie hramadzianstva Litvy. 

U pryniatym varyjancie zakona abmiežavańni byli bolšyja dla hramadzian Rasii i mienšyja dla hramadzian Biełarusi — jany praktyčna nijak nie paŭpłyvajuć na tych biełarusaŭ, jakija pierajechali ŭ Litvu, ratujučysia ad palityčnych represij.

Litoŭski siejm pryniaŭ niekatoryja abmiežavańni suprać hramadzian Biełarusi i Rasii, ale jany nieistotnyja

Prezident Naŭsieda nakłaŭ na zakon vieta. Jon chacieŭ, kab abmiežavańni byli adnolkavyja i dla hramadzian Rasii, i dla hramadzian Biełarusi, bo abiedźvie hetyja dziaržavy, na jaho dumku, niasuć roŭnuju adkaznaść za raźviazvańnie vajny va Ukrainie. Siejm dadzienaje vieta pieraadoleŭ.

Suprać hetaha zakona vystupali centry biełaruskaj emihracyi i Ofis Cichanoŭskaj. 

Čytajcie taksama:

«Naš dom» abvierh, što raspaŭsiudžvaŭ zvarot da deputataŭ litoŭskaha Siejma

Siejm Litvy pieraadoleŭ vieta prezidenta na zakon ab abmiežavańniach dla biełarusaŭ i rasijan

Клас
4
Панылы сорам
2
Ха-ха
6
Ого
5
Сумна
1
Абуральна
4