Taćciana Traćciak, Juryj Cierach i Andrej Kirylenka. Fota: ichnija sacialnyja sietki
Pačałosia z taho, što prapahandyst «SB. Biełaruś siehodnia» Juryj Cierach, (jon ža błohier «Ludažor») pakryŭdziŭsia, što jahonyja knihi ciažka znajści ŭ kniharniach (kaniešnie ž, nie tamu, što ich mała kuplajuć). I prapanavaŭ «spalvać pracaŭnikoŭ knižnych kramaŭ».
Skrynšot z telehram-kanała Juryja Cieracha
Paśla hetaha sakratarka hrodzienskaj «Biełaj Rusi» Śviatłana Varanica aburyłasia, što kamientar Cieracha «ahidny», tym bolš — dla knihi pra łahier nacystaŭ, u jakim katavali vajennapałonnych.
Kamientar Śviatłany Varanicy. Skrynšot z telehram-čata Juryja Cieracha
Paśla hetaha joj davoli žorstka adkazali. A sam Cierach pałochaje, što «pryjdzie praviarać kramu praz tydzień» i «pakul moža dušyć zmaharskich vyradkaŭ — budzie heta rabić».
Skrynšot z telehram-kanała Cieracha
Dalej da dyskusii dałučyłasia Taćciana Traćciak — tvar jutuba HUBAZiK. I na davoli miakki kamientar atrymała žorstki patok abrazaŭ ad ajcišnika Andreja Kirylenki. Jon nazvaŭ jaje častkaj «kuratnika» i pasłaŭ. Taćciana zamiest adkazu prosta pierastała adkazvać.
Kirylenka pastajanna abražaje ŭsich udzielnikaŭ dyskusijaŭ, siarod jakich byvała i Varanica, i niekatoryja inšyja dziejačy praŭładnych inicyjatyvaŭ.
Sam 41-hadovy Kirylenka — viadomy ŭ minułym piersanaž. Jon pračnuŭsia znakamitym paśla taho, jak napisaŭ u svaim «žyvym žurnale», što žadaje, kab na śviacie «BNR-100» adbyŭsia terakt i «kiški zmaharoŭ raźlacielisia na kiłamietry» — tady jon pisaŭ va ŭsich sacsietkach pad niknejmam Iced (časam taksama vykarystoŭvajučy niknejm Theiced).
Andrej Kirylenka
Paśla hetaha Kirylenka vymušany byŭ źviarnucca pa dapamohu jurystaŭ i vybačycca pierad «zmaharami». Ale z kampanii Juno, dzie jon tady pracavaŭ, jaho nie zvolnili.
Archiŭny skrynšot z «žyvoha žurnała» Kirylenki
Były jahony kaleha raspaviadaŭ, što Kirylenka ŭvohule vielmi prablemny piersanaž:
«Nam usim było niekamfortna pracavać z Andrejem Kirylenkam: jon niaredka dazvalaŭ sabie mat u adras kalehaŭ, byŭ niastrymany. Ja i jašče adzin supracoŭnik u niejki momant litaralna ŭzmalilisia ab tym, kab na Andreja niejak paŭpłyvali, — i nas pieraviali ŭ inšy adździeł. Astatnija moŭčki ciarpieli i łajali za vočy ŭ kurylni.
Historyja z vykazvańniem, jakoje dazvoliŭ sabie Kirylenka ŭ adras tych, chto sabraŭsia la opiernaha teatra, dumaju, začapiła za žyvoje nie tolki mianie… Čałaviek zhańbiŭ reputacyju kampanii, a zatym pradstaviŭ ŭsio tak, niby heta «žurnalisty vinavatyja».
Uvohule, apytanyja nami znajomyja Kirylenki adhukajucca pra jaho tak:
«Andrej — epatažny trol, jakomu treba budź-jakaja ŭvaha, navat kali niehatyŭnaja. Adziny varyjant — nie karmić trola».
«Heta ž lehiendarny vatnik Ajsied! Ja pra jaho i zabyŭsia. Niekali Ajsied byŭ viadomy ŭ ŽŽ i linuks-tusoŭcy, paśla niekudy źnik, i ja pra jaho ničoha nie čuŭ z taho vypadku ŭ 2018 hodzie».
Paśla skandału Kirylenka vydaliŭ amal usie svaje fota i pačyściŭ sacsietki, źmienšyŭšy publičnuju aktyŭnaść.
Pa źviestkach «Kibierpartyzan», Kirylenka paśla skančeńnia BDUIR pracavaŭ u roznych IT-kampanijach, a taksama «zapisany» dyrektaram šerahu TAA.
U publičnym poli Kirylenka «ŭvaskros» tolki ŭ 2020-m hodzie. Asabliva aktyŭny jon u pablikach Juryja Cieracha — imavierna, mienavita jon napisaŭ čat-bota, jaki abražaje karystalnikaŭ.
Skrynšoty z bota, chutčej za ŭsio, stvoranaha Kirylenkam — heta bačna pa vykarystańni adpaviednaj jaho stylu leksiki
Praŭda, nieviadoma, ci paniasie mužčyna niejkuju adkaznaść, choć dla luboha praciŭnika režyma heta b skončyłasia zatrymańniem i, imavierna, kryminalnaj spravaj. Viadomy tolki adzin vypadak, kali Kirylenku daviałosia adkazvać za słovy, i toj zusim nie źviazany z palitykaj: u 2017 hodzie Kirylenka atrymaŭ za abrazu štraf u adnu bazavuju.
Čytajcie taksama:
«Nas nie zapuhať». Voś chto stvaraŭ prałukašenkaŭskija stykierpaki ŭ telehramie
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
