Jadomyja batarei

Fota: opentalk.iit.it

Ekśpierymientalnaja jadomaja batareja raspracavanaja ŭ italjanskim technałahičnym instytucie (IIT). U jaje asnovie lažać bijachimičnyja akiślalna-adnaŭlenčyja reakcyi, padobnyja na tyja, što vypracoŭvajuć enierhiju ŭ kletkach čałavieka i inšych žyvioł.

Anod batarei składajecca z rybafłavinu (jon ža vitamin V2), a katod — z kviercetynu. Abodva rečyvy ŭtrymlivajucca ŭ pryrodzie ŭ roznych raślinach i inšych praduktach charčavańnia. Dla pavyšeńnia pravodnaści dadatkova vykarystoŭvajecca aktyvavany vuhal.

Elektralit zasnavany na vadzie, a sieparatar (pranikalnaja miembrana pamiž anodam i katodam, jakaja praduchilaje karotkija zamykańni) vyrableny z marskich vodaraściaŭ nory, jakija zvyčajna vykarystoŭvajucca ŭ sušy. Narešcie, dva kantakty z charčovaj załatoj folhi na anodzie i katodzie pakrytyja pčalinym voskam.

Paśla zaradki akumulatar vydaje 0,65 volta i zdolny zabiaśpiečyć tok u 48 mikraampier na praciahu 12 chvilin abo niekalkich mikraampier ciaham hadziny. Choć heta nie vielmi ŭražvaje, pa słovach navukoŭcaŭ, hetaha dastatkova, kab siłkavać nievialikija elektronnyja pryłady, takija jak śviatłodyjody ź nizkim enierhaspažyvańniem.

Pa słovach viadučaha aŭtara daśledavańnia Maryjo Kajroni, takija batarejki mohuć stać asnovaj dla jadomych pryład i datčykaŭ, jakija dazvolać kantralavać stan zdaroŭja pacyjentaŭ. Taksama jany mohuć być karysnyja pry stvareńni kampaktnych sensaraŭ dla manitorynhu ŭmoŭ zachoŭvańnia ježy.

Jašče adna patencyjnaja śfiera vykarystańnia — elektronnyja dziciačyja cacki, dla jakich vysokaja ryzyka prahłynańnia. Kali dzicia ŭsio ž prahłynie takuju cacku, možna budzie prynamsi nie turbavacca adnosna taho, što jano atrucicca taksičnym elektralitam.

Na hety momant navukoŭcy pracujuć nad stvareńniem jadomych batarejek bolšaj mahutnaści i mienšaha pamieru. Apisańnie raspracoŭki apublikavanaje ŭ časopisie Advanced Materials.

Čytajcie taksama:

Źjaviŭsia pieršy ŭ śviecie «razumny» pistalet, jaki nikoli nie strelić u čužych rukach

Daśledčyki stvaryli akulary-sanary, jakija adsočvajuć ruchi tvaru dla biasšumnaj kamunikacyi

Hety rabatyzavany ekzaškilet zmoža zabiaśpiečyć čałavieku zvyščałaviečuju raŭnavahu

Клас
6
Панылы сорам
0
Ха-ха
0
Ого
0
Сумна
0
Абуральна
0