Habryelus Łandśbierhis. Fota: AP
Łandśbierhis tak prakamientavaŭ rašeńnie Naŭsiedy litoŭskamu ahienctvu Etaplius:
«Vielmi škada, što prezident nie prysłuchaŭsia jak da zakliku demakratyčnaj lidarki Biełarusi Śviatłany Cichanoŭskaj, tak i da naležna ŭzvažanaj pazicyi Siejmu Litvy. Chaču vieryć, što Siejm zastaniecca pry svajoj pazicyi».
Paśla vieta prezidenta Siejm musić pierahladzieć zakonaprajekt — moža jak unieści źmieny, tak i pieraadoleć vieta prezidenta, kali za jaho prahałasujuć 71 abo bolš deputataŭ sa 141.
Daradca Śviatłany Cichanoŭskaj pa pravavych pytańniach Kryścina Rychter siońnia zajaviła, što Ofis Cichanoŭskaj akurat budzie pracavać u hetym kirunku:
«Varta kamunikavać z deputatami Siejma i pierakonvać ich prahałasavać za miakki varyjant zakonaprajekta. My pracujem z deputatami Siejma i tłumačym, što ŭviadzieńnie bolš žorstkich abmiežavańniaŭ u dačynieńni da biełarusaŭ nieprymalnaje», — zajaviła Kryścina Rychter.
Sama Cichanoŭskaja taksama vystupiła z admysłovaj zajavaj, dzie skazała:
«Ja pierakananaja, što nielha stavić u adzin šerah biełarusaŭ i pamahatych režymu, i nielha karać biełarusaŭ za dziejańni režymu…
Biezumoŭna, my vielmi cenim usiu padtrymku, jakuju Litva akazvała i praciahvaje akazvać u našaj baraćbie za demakratyčnuju jeŭrapiejskuju budučyniu Biełarusi. I my raźličvajem na ŭzvažanaje rašeńnie litoŭskaha kiraŭnictva i litoŭskaha parłamienta, kab praciahvać umacoŭvać suviazi pamiž našymi narodami, a nie budavać pamiž imi mury».
Čytajcie taksama:
Litva padaść na Biełaruś u Mižnarodny sud za pravakavańnie mihranckaha kryzisu
U Litvie chočuć abaviazać publičnych asob dekłaravać suviazi ź Biełaruśsiu i Rasijaj
Pryjemna, što našyja susudzi adarvaŭšysia ad saŭka zdoleli pryjści da demakratyi. Tak sa svaimi plusami i minusami, ale ŭ ich atrymałasia vybudavać demakratyčnuju krainu, dzie parłamient moža samastojna prymać rašeńni, jakija mohuć nie padabacca prezidientu, dzie ministr zamiežnych spraŭ moža vystupić z krytykaj prezidenta.