Supracoŭniki DAI paviedamlajuć «Našaj Nivie», što z krasavika im vusna daviedziena adpraŭlać złoŭlenych pjanymi za styrnom kiroŭcaŭ na 15 sutak. 

Naturalna, u dadatak da inšych mieraŭ spahnańnia, praduhledžanych u takim vypadku. 

«Inšyja miery ŭździejańnia časta nie pracujuć. Štrafy, naprykład, takaja katehoryja časta prosta nie płacić, a adabranyja pravy dla ich nie prablema — jeździać biez pravoŭ. 

Ja tak razumieju, ličycca, što 15 sutak u skockich umovach buduć bolš spryjać pasłuchmianaści ŭ hetym pytańni», — skazaŭ «Našaj Nivie» adzin ź minskich aficeraŭ. 

Pjanyja za styrnom i nastupnyja avaryi — vialikaja prablema dla krainy. Tolki sioleta ŭ Biełarusi praź niećviarozych kiroŭcaŭ zahinuła ŭžo 6 čałaviek, a 36 paciarpieli.

Letaś złavili 16 tysiač pjanych kiroŭcaŭ. 

Staŭleńnie da pjanych kiroŭcaŭ z boku dziaržavy paśladoŭna robicca bolš strohim. 

Čytajcie taksama:

Učastkovyja pravodziać tatalny abychod kvater. Voś jak heta adbyvajecca

Zatrymanych žycharoŭ Dziaržynska vyvodzili bosymi na śnieh

Kuplać i pradavać aŭtamabili ciapier treba pa novych praviłach. Što źmieniłasia?

Клас
9
Панылы сорам
4
Ха-ха
5
Ого
6
Сумна
2
Абуральна
5