Skrynšot ź videasiužetu MUS

Skrynšot ź videasiužetu MUS

U siaredzinie vieraśnia 2022 hoda siłaviki zatrymali piaciarych minčukoŭ za toje, što jany vyviesili vialikija nacyjanalnyja ściahi Biełarusi i Ukrainy na fasadzie doma pa vulicy Lesi Ukrainki ŭ Minsku. Heta byli Dzianis Varozaŭ, Viačasłaŭ Panciušenka, Volha Cierach, Uładzimir Łavor i Kaciaryna Zareckaja.

Suprać hetych ludziej spačatku zaviali kryminalnuju spravu za «złosnaje chulihanstva», ale ŭžo praz dva tydni paśla zatrymańnia MUS pryznała «ekstremisckim farmavańniem» kanał u mabilnym dadatku Zello, praź jaki kamunikavali minčuki pry arhanizacyi akcyi.

U vyniku spravu pierakvalifikavali na č. 3 art. 361-1 (stvareńnie abo ŭdzieł u «ekstremisckim farmavańni») i č. 2 art. 361-4 Kryminalnaha kodeksa (sadziejničańnie ekstremisckaj dziejnaści).

Siońnia sudździa Dzina Kučuk pryznačyła čatyrom abvinavačanym pa piać hadoŭ kałonii: Dzianisu Varozavu i Viačasłavu Panciušenku — va ŭmovach uzmocnienaha režymu, Volzie Cierach i Kaciarynie Zareckaj — va ŭmovach ahulnaha režymu.

Uładzimiru Łavoru prysudzili čatyry hady i dzieviać miesiacaŭ źniavoleńnia va ŭmovach uzmocnienaha režymu.

Na pieršym pasiadžeńni dziaržaŭny abvinavaŭca zajaviŭ chadajnictva ab praviadzieńni pracesu ŭ zakrytym režymie pa «pryčynie praduchileńnia raspaŭsiudžvańnia ekstremisckich materyjałaŭ». Sudździa Kučuk zadavoliła chadajnictva.

Sukamierniki Dzianisa Vorazava raspaviadali pravaabaroncam pra jaho žorstkaje zatrymańnie: «Jaho vyvozili ŭ les i pahražali zabić».

Čytajcie taksama:

20 sakavika pačnuć sudzić palitviaźniaŭ, jakija vyviesili nacyjanalnyja ściahi Biełarusi i Ukrainy

Zatrymali za vyviešvańnie nacyjanalnych ściahoŭ Biełarusi i Ukrainy, ale sudzić buduć za «ekstremizm»

MUS pryznała «ekstremisckim farmavańniem» supołku Xinkalik u prahramie Zello, jakim karystajucca kiroŭcy

Клас
0
Панылы сорам
2
Ха-ха
1
Ого
2
Сумна
0
Абуральна
42