Palicejskija z Kiempna 10 sakavika zatrymali 49-hadovaha biełarusa, jaki padazrajecca ŭ šerahu kradziažoŭ u kramach. Mužčynu abvinavačvajuć u tym, što jon karystaŭsia niaŭvažlivaściu pradaŭcoŭ i kraŭ roznyja tavary. Zaraz jamu moža pahražać da piaci hadoŭ pazbaŭleńnia voli.
— Jaho zdabyčaj byli roznyja tavary z mahazinaŭ, u asnoŭnym bytavaja chimija, elektrainstrumienty i pradukty, — paviedamiŭ pradstaŭnik palicyi Kiempna Rafał Stramoŭski.
Palicejskija vyjšli na biełarusa paśla kradziažu ŭ adnoj z kramaŭ u Kiempnie, pra što paviedamili pradaŭcy. U mahazinie byli ŭstalavanyja kamiery videanazirańnia, dziakujučy jakim palicyjanty i ŭstanavili asobu złodzieja. Praź niekatory čas jaho zatrymali — im akazaŭsia 49-hadovy biełarus. Pry pieratrusie ŭ jaho kvatery supracoŭniki kanfiskavali bolšuju častku kradzienaha.
Praz tydzień biełarus publična vybačyŭsia pierad žycharami horada Kiempna (u jakim pražyvaje kala 15 tysiač čałaviek): «Ja prašu prabačeńnia pierad supolnaściu žycharoŭ Kiempna za kradziažy, jakija ja ździejśniŭ na terytoryi pavieta. Ja zrazumieŭ svaju pamyłku, ja chaču sumlenna pracavać i žyć tut. Prašu prabačeńnia, hatovy panieści zasłužanaje pakarańnie za svaje ŭčynki. Biełarus, 49 hadoŭ».
Čytajcie taksama:
U Polščy pjany biełarus zajechaŭ na fury prosta ŭ ścianu budynka
Pjanaha biełarusa na fury zatrymali spačatku ŭ Niderłandach, a potym u Hiermanii
