Fota: Most
Žychary vulicy Elektryčnaj u Biełastoku skardzilisia, što adnosna rašeńnia pierajmienavać častku vulicy miascovyja ŭłady nie zapytalisia pra ich dumku. U vyniku rašeńnie haradskich uładaŭ pa pierajmienavańni vulicy abskardziła adna ź miascovych žycharak. Taksama bolš za 60 žycharoŭ z damoŭ, jakija stajać na vulicy, padpisali pratest da haradskich uładaŭ.
16 sakavika Vajavodski sud pryznaŭ rašeńnie haradskich uładaŭ ab pierajmienavańni vulicy, dzie mieścicca biełaruskaje konsulstva, nieadpaviednym zakanadaŭstvu.
Paśla suda i niekalkich kansultacyj kiraŭnictva horada znajšło alternatyŭnaje rašeńnie.
«Na žal, skažu tak, što takoj vulicy, jakuju b my chacieli, nie budzie, ale płanujem zrabić jak u Varšavie pierad rasijskaj ambasadaj, vyłučyć nievialiki skvier. Zrobim płošču Volnaj Biełarusi. Tady da nas nichto nie pryčepicca, bo heta nie budzie zaminać žycharam», — raskazaŭ Most Tadevuš Truskalaski.
Toje, što nazva Volnaj Biełarusi zastaniecca kala hienkonsulstva Biełarusi ŭ Biełastoku — dobry znak dla miascovych biełarusaŭ, skazaŭ pradstaŭnik biełaruskaj dyjaspary Biełastoka Jan Abadoŭski. Bo hałoŭnaje — nie jaki abjekt budzie tak nazyvacca, a kab jon znachodziŭsia nasuprać hienieralnaha konsulstva Biełarusi. Mienavita siudy prychodziać biełastockija biełarusy pratestavać suprać režymu Łukašenki.
Čytajcie taksama:
U Biełastoku admianili rašeńnie ab pierajmienavańni adnoj z vulic u honar Volnaj Biełarusi
«Ničoha ŭ nas nie budzie, kali nie budzie biełaruskaj movy». Repartaž z Dnia Voli ŭ Biełastoku
