29 sakavika Ministerstva zdaroŭja Biełarusi ładzić sieminar «Inavacyjnyja padychody da rańniaj dyjahnostyki i supravadžeńnia dziaciej z aŭtyzmam». Sieminar projdzie na bazie Biełaruskaj miedycynskaj akademii paśladypłomnaj adukacyi. Na jaho zaprasili navukoŭcaŭ, piedahohaŭ, psichołahaŭ, lekaraŭ i baćkoŭ dziaciej z asablivaściami raźvićcia.

Siarod dakładčykaŭ u prahramie sieminara zajaŭlenaja «pa ŭzhadnieńni» Volha Filistovič, dyrektarka Centra prykładnoha analizu pavodzin «Mietad AVA». Tema jaje dakładu — «Psichakarekcyjnyja mietodyki, jakija ŭžyvajucca ŭ pracy ź dziećmi z RAS (rasstrojstva aŭtystyčnaha śpiektru»).

Mahčymy ŭdzieł Volhi Filistovič u sieminary aburyŭ baćkoŭ dziaciej z asablivaściami i lekaraŭ. Jany padrychtavali kalektyŭny zvarot da Ministerstva achovy zdaroŭja.

«Ni ciapier, ni ŭ dalejšym my nie budziem pakidać biez uvahi, što słužbovaja asoba, jakaja prapahanduje antynavukovyja, dyskryminacyjnyja, prynižalnyja vykazvańni, razhladajecca ŭ jakaści zaprošanaj na mierapryjemstva takoha vysokaha ŭzroŭniu, faktyčna prymajučy ŭdzieł u farmavańni dziaržaŭnaj palityki», — napisali aŭtary zvarotu ŭ Ministerstva achovy zdaroŭja.

Jany kažuć, što «da hłybini dušy aburanyja» tym, što siarod udzielnikaŭ mierapryjemstva jość takaja asoba, jak Volha Filistovič, i prosiać źviarnuć uvahu na hetuju dakładčycu i jaje skandalnyja vykazvańni ŭ vieraśni 2022 hoda.

Čytajcie pra Volhu Filistovič padrabiaźniej:

Vykładčyca BarDU pałochaje baranavickich školnikaŭ: aŭtyzm — heta vynik biesparadačnych pałavych znosin baćkoŭ (i dziadoŭ!) VIDEA

Minułahodni vystup u Baranavičach taksama aburyŭ hramadskaść. U Ministerstva adukacyi nakiravali zvarot ad baćkoŭ dziaciej z asablivaściami raźvićcia, jaki padpisali 2228 čałaviek. A taksama zvarot ad lekaraŭ, psichołahaŭ, piedahohaŭ, inšych śpiecyjalistaŭ, jakija pracujuć ź dziećmi z asablivaściami psichafizičnaha raźvićcia i členami ich siemjaŭ. Jaho padpisali 1254 čałavieki.

Pa vynikach pravierki Ministerstva adukacyi dało adkaz. Śpiecyjalisty viedamstva zaznačyli, što «vykazvańni Filistovič ab etyałohii ŭźniknieńnia aŭtyzmu supiarečać isnujučym navukova abhruntavanym teoryjam i sučasnaj praktycy navučańnia, sacyjalizacyi dziaciej z aŭtyzmam», «źmiest hetych vykazvańniaŭ supiarečyć dziaržaŭnaj palitycy ŭ śfiery adukacyi».

Frahmient adkazu Ministerstva adukacyi Biełarusi

Frahmient adkazu Ministerstva adukacyi Biełarusi

Ministerstva adukacyi nakiravała list Volzie Filistovič, dzie papiaredziła pra niedapuščalnaść vykarystańnia ŭ publičnych vystupach «vykazvańniaŭ dyskryminacyjnaha, abraźlivaha charaktaru ŭ adras dziaciej z rasstrojstvam aŭtystyčnaha śpiektru, farmavańnie niehatyŭnaha vobrazu čałavieka z aŭtyzmam».

Aproč hetaha, Minadukacyi pryciahnuła da dyscyplinarnaj adkaznaści niekatorych piedahohaŭ z baranavickaj škoły.

Čytajcie taksama:

Pamiatajecie baranavickuju vykładčycu z antynavukovymi teoryjami pra aŭtyzm? Śpiecyjalisty prosiać pravieryć jaje lekcyi

Клас
7
Панылы сорам
10
Ха-ха
10
Ого
5
Сумна
5
Абуральна
41