Fota: mfa.lt
Natalla Pinčuk najpierš padziakavała Łandśbierhisu za toje, što litoŭskaja dziaržava ŭžo zrabiła i robić. Jana havaryła pra patreby miedyčnaj i inšaj humanitarnaj dapamohi dla palitviaźniaŭ, a taksama pra patrebu praciahvać vizavuju i inšuju dapamohu dla biełarusaŭ, vymušanych źjechać sa svajoj krainy, ratujučysia ad palityčnaha pieraśledu.
Kiraŭnik MZS Litvy, u svaju čarhu, zajaviŭ, što jaho kraina šmat zrabiła i budzie praciahvać rabić dla biełarusaŭ, jakija ciarpiać ad palityčnaha pieraśledu na radzimie, i budzie praciahvać vydavać vizy, choć časam heta zrabić składana, bo ŭ Minsku zastaŭsia tolki adzin litoŭski dypłamat.
Habryelus Łandśbierhis taksama raskazaŭ pra rolu Litvy ŭ farmavańni pazicyi Jeŭrasajuza adnosna Biełarusi.
Z 20 pa 31 sakavika ŭ Varšavie i Vilni prachodziać «Tydni salidarnaści» z łaŭreatam Nobieleŭskaj premii miru biełaruskim pravaabaroncam Alesiem Bialackim i ź inšymi biełaruskimi palitviaźniami.
Čytajcie taksama:
U Vilni prezientujuć knihu «Aleś Bialacki» z udziełam žonki nobieleŭskaha łaŭreata
Premjer Polščy sustreŭsia z Natallaj Pinčuk — žonkaj Alesia Bialackaha
