Varvaru i jaje muža Paŭła zatrymali ŭ siaredzinie śniežnia ŭ Minsku — paśla viartańnia ŭ Biełaruś na lačeńnie. Pa danych prapahandysckich krynic, siamja dva hady žyła za miažoj, a pa viartańni ŭ Biełaruś ich zatrymali za ŭdzieł u pratestach 2020 hoda, dziejnaść «u składzie dyjaspar» i niehatyŭnyja kamientary ŭ internecie.
Spačatku muža i žonku asudzili pavodle administracyjnaha aryštu, ale Varvara paśla «sutak» na volu tak i nie vyjšła — suprać jaje zaviali kryminalnuju spravu i pieraviali ŭ SIZA-1 na Vaładarskaha.
