«Miłyja, lubimyja, rodnyja. Kali vy čytajecie hety post, značyć mianie ŭžo niama tut, na hetaj ziamli. Maja duša dzieści daloka, i mnie bolš nie baluča. Ja paprasiła kamandu vykłaści jaho ŭ toj dzień, kali pajdu.
Viedajecie, ja pražyła takoje słaŭnaje žyćcio, u im było stolki cudaŭ, vydatnych ludziej, u im była sapraŭdnaja luboŭ, ščaślivaje maciarynstva, tvorčaść, ščyraje siabroŭstva.
Sychodžu ź vielizarnym sumam, bo hetaha žyćcia, vydatnych dzion, radaści nam zaŭsiody budzie mała, zaŭsiody… Ale bolš za ŭsio miesca ŭ maim sercy zajmaje ŭdziačnaść! Za ŭsio, što było, za ŭsio, što zmahła pakinuć paśla siabie».
Usie fota: instahram Nadziei Mialeški
Nadzieja napisała, što ŭ siaredzinie krasavika vyjdzie jaje kniha, jaje historyja «baraćby i ščaścia nasupierak strašnamu dyjahnazu».
«Ja zmahałasia stolki, kolki mahła. Da apošniaha svajho ŭzdychu, ale… pryjšoŭ čas raźvitvacca. Dziakuj, što byli sa mnoj. Dziakuj za sotni tysiač dobrych słoŭ, ciopłych abdymkaŭ, viery ŭ mianie».
Fota: instahram Nadziei Mialeški
Nadzieja Mialeška — papularnaja biełaruskaja błohierka, a taksama žonka byłoha chakieista biełaruskaj zbornaj Dźmitryja Mialeški.
U studzieni 2020 hoda ŭ Nadziei Mialeški vyjavili rak hrudziej treciaj stadyi. U lipieni taho ž hoda chvaroba ŭ błohierki pierajšła ŭ stadyju remisii. Ale ŭ sakaviku 2021-ha Nadzieja paviedamiła, što chvaroba viarnułasia, daktary znajšli ŭ jaje mietastazy ŭ piečani.
Fota: instahram Nadziei Mialeški
Žančyna praciahvała svajo lačeńnie ŭ Hiermanii, kudy pierajechała ź siamjoj. Jana zapuściła dabračynny fond u padtrymku ankachvorych.
błahodati tiebie i na tom śvietie dorohaja