Leanid i Alaksiej Haravyja padčas partyjnaha źjezda 6 lutaha 2022 hoda
Alaksiej Haravy byŭ zatrymany HUBAZiKam 20 lutaha na pracy. Paśla pieratrusu ŭ minskaj kvatery razam z žonkaj jon byŭ dastaŭleny ŭ milicyju. Paźniej žonku adpuścili da małoha dziciaci, a Alaksiej byŭ źmieščany ŭ izalatar na Akreścina i paźniej asudžany na 14 sutak za nibyta «niepadparadkavańnie».
6 sakavika rodnyja nie dačakalisia vyzvaleńnia Alaksieja. U Frunzienskim RUUS im paviedamili, što jaho zabraŭ HUBAZiK. Na nastupny dzień mužčynu iznoŭ asudzili na čarhovyja 15 sutak administracyjnaha aryštu i znoŭ za «niepadparadkavańnie».
Paźniej na praŭładnym telehram-kanale źjaviłasia «pakajalnaje videa», dzie Alaksiej raspaviadaje, što jon nibyta pakidaŭ svaje kamientary ŭ adras siłavikoŭ.
Alaksiej Haravy — syn hramadskaha aktyvista z Haradka na Viciebščynie Leanida Haravoha. Tydzień tamu jon taksama byŭ zatrymany i asudžany na 15 sutak za «raspaŭsiud ekstremisckich materyjałaŭ».
