«Jany byli niejmavierna vietlivyja. Tłumačyli, što nam usio daravali. Maŭlaŭ, skažycie dzieciam, kab jany viartalisia, vam tut ciažka bieź ich. Nu, pasiadzić hodzik, ničoha. Ni ordara, ni pratakoła… Kažuć, pryjšli pahavaryć.
Potym stajali chvilin 10 na leśvičnaj placoŭcy, telefanavali kamuści, railisia…» — raspavioŭ pra akaličnaści dziŭnavataha vizitu Alaksandr Panuca.
Były vajskoviec chvalujecca, kab nieviadomyja «nie padkinuli čaho», kab potym cisnuć na jaho praz svajakoŭ.
Alaksandr Panuca ŭ ščyraść namieraŭ ułady adnosna «daravańnia viny» apanientam ułady nie vieryć. Jon ličyć, što siłaviki chočuć lubymi sposabami arhanizavać pakazalnyja pracesy nad vajskoŭcami, jakija vystupajuć suprać vajny va Ukrainie.
«Ja całkam razumieju, što jany sprabujuć vyciahnuć mianie ŭ Biełaruś i pakazalna pakarać. Bolš za toje, ja vydatna padychodžu pad śmiarotnaje pakarańnie, jakoje praduhledžanaje ŭ niadaŭnim zakonie. Vajenny, chaj i ŭ zapasie, čatyry «narodnyja artykuły» za apazicyjnuju dziejnaść, a «zdradu radzimie», jak vyśvietliłasia, jany mohuć «pryšyć» i trochhadovamu dziciaci.
Ničoha dziŭnaha dla krainy, dzie čałaviek utrymlivaje ŭładu amal tracinu stahodździa, i adkryta kaža, što ciapier nie da zakonaŭ. Naturalna, viarnucca na radzimu ja nie mahu, choć i vielmi chacieŭ by, sumuju pa ludziach, pryrodzie, blizkich… Ale, na žal, darohi ŭ Biełaruś mnie bolš nikoli nie budzie, artykuły, jakija mnie inkryminujuć, nie majuć termina daŭniny», — padsumoŭvaje vajskoviec.
Alaksandr Panuca — aficer zapasu z Homiela, jaki źjechaŭ ź Biełarusi paśla pratestaŭ 2020 hoda. U lutym 2022 hoda jaho zvarot da biełaruskich vajskoŭcaŭ pačytali i pahladzieli tysiačy čałaviek.
U vieraśni 2022 hoda jaho pazbavili zvańnia razam ź dziasiatkami inšych vajskoŭcaŭ, jakija nie padtrymlivajuć režym Alaksandra Łukašenki.
Čytajcie taksama:
Sto hadoŭ tamu jany pavieryli ŭładam i viarnulisia
Minkult akreśliŭ, što treba zrabić artystam z čornych śpisaŭ dla viartańnia na scenu
