Servis flightaware.com paviedamlaje, što Boinh Łukašenki ździejśniŭ pieralot ź Ćviarskoj vobłaści ŭ Minsk. U biełaruskaj stalicy jon pryziamliŭsia ŭ 22:05 pa minskim časie. 

Mienavita hetym samalotam u piatnicu Łukašenka vylecieŭ u Maskvu na sustreču z Uładzimiram Pucinym. Siońnia ranicaj Boeing 737-800 z maskoŭskaha aeraporta «Unukava» nakiravaŭsia ŭ Ćviarskuju vobłaść. Dzie ŭ hety čas znachodziŭsia Alaksandr Łukašenka, aficyjna nie paviedamlałasia.

Paviedamlałasia taksama, što siońnia z-za bronieciahnika Pucina spynili ruch na Maskoŭska-Ćviarskoj čyhuncy. Pa čutkach, Pucin vyrašyŭ aprabavać śpiećciahnik dla pajezdki ŭ svaju rezidencyju na Vałdai. Ci byŭ ź im tam Łukašenka, nieviadoma.

Cikava, što pra ŭčorašniuju sustreču Łukašenki i Pucina ich puły dali vobmal infarmacyi.

Клас
1
Панылы сорам
3
Ха-ха
40
Ого
2
Сумна
1
Абуральна
7