Fota z sacsietak
Mienš za tydzień tamu rasijskamu fihurystu Ramanu Kastamaravu zrabili pieršuju apieracyju — amputavali stupni.
Pa słovach daktaroŭ, na fonie karanavirusnaj infiekcyi ŭ Ramana raźviŭsia sepsis. U spartsmiena pačaŭsia niekroz u nižnich kaniečnaściach: spačatku ŭ levaj stupni, a potym i ŭ pravaj. Miedykam ničoha nie zastavałasia, jak amputavać stupni čempijona. Paralelna daktary zmahalisia za ruki spartsmiena. Ale, na žal, kiści taksama pačali čarnieć, niekroz dabraŭsia i da ruk. Miedycynskija śviaciły da apošniaha zmahalisia za ruki Ramana, ale na žal, spartsmienu stanaviłasia ŭsio horš i horš.
— Kastamaravu praviali druhuju apieracyju. Amputavali abiedźvie kiści ruk, — raspaviała kp.ru krynica ŭ miedycynskich kołach.
Adnak aficyjnaha paćviardžeńnia hetaj sumnaj naviny reparciory pakul nie atrymali. Aksana Domnina jašče 8 lutaha, u dzień naradžeńnia Ramana, patłumačyła, što jak tolki Kastamaraŭ papravicca, jon sam, kali zachoča, raskaža pra svajo zdaroŭje.
Raman Kastamaraŭ trapiŭ u balnicu jašče na pačatku studzienia. Fihuryst trapiŭ u špital ź ciažkaj pnieŭmanijaj. Spačatku jaho padklučyli da ŠVŁ, a potym, kali jaho stan pahoršyŭsia, da EKMA (mietad štučnaha nasyčeńnia kryvi kisłarodam pry raźvićci ciažkaj vostraj dychalnaj niedastatkovaści).
U svaju čarhu, Mash piša, što infarmacyja pra amputacyju kiściaŭ ruk — fejk,
Kastamaravu amputavali niekalki palcaŭ na abiedźviuch rukach. Pavodle infarmacyi vydańnia, daktary svoječasova spynili zaražeńnie i vyratavali kaniečnaści spartsmienu. Ciapier fihuryst znachodzicca ŭ śviadomaści, jaho stan praciahvajuć padtrymlivać z dapamohaj padačy kisłarodu praz admysłovuju trubku ŭ hartani. Daktary rehularna pieraviazvajuć jamu rany i staranna za im sočać.
