Namieśnica kiraŭnika «Biełaj Rusi» pa Hrodzienščynie Śviatłana Varanica. Fota: «Hrodzienskaja praŭda»
Adnoj z zavadatarak pikieta była 53-hadovaja Śviatłana Varanica, namieśnica kiraŭnika «Biełaj Rusi» pa Hrodzienščynie. Jana taksama čalec biuro harkama KPB i aktyŭnaja ŭdzielnica hihinskaha tavarystva «Viedy». Jany była ŭ štabie «Biełaj Rusi» pa vysoŭvańni Łukašenki na vybarach u 2020 hodzie. A letaś pachvaliłasia svaimi broškami ź litarami Z i V.
Fota: belayarus.by, instahram-staronka Varanicy
Varanica pačynała karjeru ŭ Vaŭkavysku, dzie i naradziłasia. Paśla skančeńnia hrodzienskaha miedycynskaha kaledža ŭ 1988-m Śviatłana pracavała miedsiastroj u adździaleńni reanimacyi miascovaj lakarni.
Karjeru prafiesijnaha ideołaha pačała ŭ 1998 hodzie, kali ŭpieršyniu ŭvajšła ŭ harkam BPSM (patryjatyčny sajuz moładzi, paśla pierajmienavany ŭ respublikanski). A ŭžo z 2000 hoda Śviatłana pierachodzić na pracu ŭ harvykankam na pasadu hałoŭnaha śpiecyjalista.
Taksama jana skončyła zavočna spačatku hrodzienski ahrarny ŭniviersitet pa śpiecyjalnaści «zaatechnik», a paśla — jurfak BDU.
Varanicu ścipła pradstavili jak «udzielnicu pikieta». Skrynšot «Biełaruś-4»
Adznačyłasia jana i siarod danosčykaŭ. Zhodna z infarmacyjaj «Čornaj mapy Biełarusi», u vieraśni 2020 hoda jana skardziłasia, što ŭ Hrodnie raspaŭsiudzili ŭlotki ź jaje partretam.
Jašče adnym zavadataram pikieta byŭ kiraŭnik hrodzienskaha abłasnoha kamiteta BRSM Andrej Jesin. Jamu 35 hadoŭ, jon žanaty i žyvie ŭ Hrodnie.
Andrej Jesin ź miehafonam. Fota: BiełTA
Suprać «dyviersij i pravakacyj» pratestavaŭ pieršy sakratar haradskoj arhanizacyi BRSM u Hrodnie Arciom Makarevič.
Fota: BiełTA
Słova na videa dali jašče niekalkim ludziam. Usie jany akazalisia nie prostymi «zakłapočanymi hramadzianami». Da prykładu, kamientar ŭziali ŭ 75-hadovaha Ivana Tustava, staršyni hrodzienskaha abłasnoha savieta vieteranaŭ, jakoha ŭ adnym ź videa nazyvajuć «roŭniadziu pieramohi» (chto kaho pieramoh naprykancy 1947-ha, nie ŭdakładniajecca).
Ivan Tustaŭ. Skrynšot «Biełaruś-4»
Taksama dali słova Natalli Sardečnaj. Jana — namieśnica dyrektara pa vučebna-vychavaŭčaj rabocie Hrodzienskaha kaledža bytavoha absłuhoŭvańnia.
Skryšot «Biełaruś-4»
Jašče adzin kamientatar — 53-hadovy Ihar Čarniakoŭ, staršynia Haradzienskaj abłasnoj asacyjacyi pradprymalnikaŭ.
Skryšot «Biełaruś-4»
Siarod udzielnikaŭ pikietu — i 21-hadovy Vadzim Huńko, kiraŭnik moładzievaha parłamienta Hrodzienskaj vobłaści i aktyvist BRSM u Hrodzienskim dziaržaŭnym univiersitecie.
Skryšot «Biełaruś-1»
Ciapier piarojdziem da tych, chto moŭčki stajaŭ sa ściahami ci inšaj simvolikaj. Voźmiem, da prykładu, hetaje fota, dzie dobra bačnyja tvary. Ci jość tut «zvyčajnyja hramadzianie»?
Pieršy ź levaha boku — adzin z kiraŭnikoŭ haradskoj arhanizacyi BRSM, 34-hadovy vypusknik Hrodzienskaha ŭniviersteta Piotr Kasicki.
Piotr Kasicki. Fota: praca.by
Paśla jaho — 23-hadovy kiraŭnik Zelvienskaha BRSM Vital Zielmančuk. Taksama jon byŭ udzielnikam Usiebiełaruskaha narodnaha schodu ad Zelvienščyny.
Fota: praca.by
Dziaŭčyna z płakatam «Nie zakryćciu miežaŭ» — heta funkcyjanierka hrodzienskaha BRSM 28-hadovaja Jana Mazavieckaja.
Fota: grodno-region.by
Nastupny chłopiec na fota — Uładzisłaŭ Mandzik, čarhovy sakratar BRSM z Hrodna.
Skrynšot STB
Błandynka na fota — sakratarka BRSM z Hrodna Natalla Staniukievič.
Skrynšot STB
La samaha płota na adnym z kadraŭ staić voś hetaja dziaŭčyna. Heta Nadzieja Krejza, funkcyjanierka hrodzienskaha BRSM.
A tut — Taćciana Sierak, jašče adna sakratarka BRSM.
Na nastupnym kadry pažyły mužčyna — heta hrodzienski aktyvist kamunistyčnaj partyi, 76-hadovy Uładzimir Chadykin.
Skryšot videa
Pra jaho pisali ŭ artykule pra ŭmacavańnie suviaziaŭ pamiž rasijskim KPRF i biełaruskim KPB.
Uładzimir Chadykin «umacoŭvaje suviazi» ŭ padmaskoŭnym Puškina. Fota: mkkprf.ru
A voś hetaja dziaŭčyna zzadu natoŭpu — funkcyjanierka BRSM Alena Prypisnova.
Jak i vyšejzhadanaja Natalla Sardečnaja, jana z kaledža bytavoha absłuhoŭvańnia.
Fota: «Ukantakcie»
My znajšli jašče šerah aktyvistaŭ BRSM, «Biełaj Rusi» i Kamunistyčnaj partyi Biełarusi na inšych fota. Adšukać «šarahovych biełarusaŭ» siarod tych, chto trapiŭ u kadr, na hetym mierapryjemstvie nie atrymałasia.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»