Fota: Mykola Lazarenko / Pool Photo via AP

Fota: Mykola Lazarenko / Pool Photo via AP

Sustreča narmandskaha farmatu ŭ Minsku pryciahnuła vialikuju ŭvahu da Biełarusi, jakaja pastupova vychodziła ź mižnarodnaj izalacyi i, jak ni dziŭna, zaniała davoli niejtralnuju pazicyju ŭ adnosinach da vajny. 

Łukašenka nie pryznaŭ anieksiju Kryma i aściarožna vystupiŭ u abaronu terytaryjalnaj cełasnaści Ukrainy. Heta dazvoliła jamu pakazać Biełaruś jak adnosna niejtralnuju krainu, jakaja moža padychodzić dla pieramoŭ.

Mała chto viedaje, ale Łukašenka kavaŭ žaleza, pakul haračaje, i navat chacieŭ sieści za stoł pieramoŭ. Heta, viadoma, było zabłakavana Niamieččynaj i Francyjaj, i jon u vyniku zdaŭsia. Paźniej jon skaža, što jaho rola ŭ tuju noč zaklučałasia ŭ tym, kab «prynieści kavu i bojeprypasy».

Fota: Alexander Zemlianichenko, File / AP 

Fota: Alexander Zemlianichenko, File / AP 

Delehacyi pryjechali ŭ Minsk 11 lutaha 2015 hoda. I nie ciažka zdahadacca, chto niepačciva spaźniŭsia.

Mierkiel i Ałand pryziamlilisia ŭ Minsku amal adnačasova, i kancler Hiermanii paprasiła ab sustrečy da taho, jak jany pryjeduć u Pałac. Jany sustrelisia ŭ samalocie. Zrazumieła, u samalocie Mierkiel. U Pałac jany taksama prybyli razam.

Prezident Francyi mistar Ałand vyhladaŭ tak, niby nie viedaŭ, što jon tam robić. Tamu jon abraŭ samuju prostuju stratehiju — išoŭ za Anhiełaj Mierkiel i jaje instrukcyjami. Heta možna lohka pračytać navat na fatahrafijach taho viečara.

Paśla pieršaha raŭnda pieramoŭ kiraŭniki delehacyj narešcie vyjšli dla hrupavoha fota, i Łukašenka zaprasiŭ delehacyi na viačeru. Ałand z radaściu pahadziŭsia, ale Mierkiel rezka abarvała jaho, skazaŭšy: «Niama času na viačeru, my pačynajem pracavać». I jany viarnulisia da pracy.

Fota: Alexander Zemlianichenko, pool / AP 

Fota: Alexander Zemlianichenko, pool / AP 

Mnohija dypłamaty pytalisia ŭ mianie pra hetuju fatahrafiju: «Jakim pratakolnym praviłam vy kiravalisia, vyznačajučy miesca dla ściahoŭ i prezidentaŭ? Heta nie ałfavitny, nie kadencyjny paradak».

U Łukašenki była svaja patryjarchalnaja łohika — «dama ŭ centry (lepšaja pazicyja), Parašenka i Pucin asobna».

Pierahavory praciahvalisia amal 17 hadzin. Heta byŭ ciažki marafon dla ŭsich. Ale ŭ Pucina byŭ svoj «dopinh» ad prymajučaha boku. Jon byŭ adzinym, u kaho byŭ pakoj z łožkam prosta ŭ Pałacy. Niekalki razoŭ jon vychodziŭ z-za stała sa stomlenym vyhladam i viartaŭsia praź niekatory čas śviežym.

Parašenka vyhladaŭ vymatanym. Jon amal nie spaŭ u noč pierad Minskam i pavinien byŭ prybyć u Brusiel na samit ES adrazu paśla pierahavoraŭ u Biełarusi. Jon rehularna telefanavaŭ va Ukrainu, kab atrymać apošnija naviny z frontu i, u pryvatnaści, z Debalcava, jaki padviarhaŭsia mocnym atakam.

Nichto nie čakaŭ, što pieramovy praciahnucca tak doŭha, i Pałac pačaŭ vyhladać tak, jak na fota nižej.

Fota: PavelSlunkin / Twitter

Fota: PavelSlunkin / Twitter

Vy ŭsie viedajecie pra Minskija pahadnieńni, padpisanyja toj nočču (kali nie viedajecie, kali łaska, pračytajcie hety tred ad Mary Dziumulen). Takim čynam, ja skonču hetuju temu svajoj asabistaj historyjaj paśla hetych razmoŭ i tym, jak darohi žyćcia mohuć pierapleścisia.

Miadovy miesiac u adnosinach Biełarusi i Zachadu skončyŭsia ŭ 2020 hodzie, kali Łukašenka sfalsifikavaŭ vybary, žorstka zadušyŭ pratesty, i ŭ krainie znoŭ źjavilisia palitviaźni (upieršyniu z 2015 hoda). U znak pratestu ja zvolniŭsia z MZS i dałučyŭsia da Jeŭrapiejskaj rady pa mižnarodnych adnosinach (ECFR).

Fota: PavelSlunkin / Twitter

Fota: PavelSlunkin / Twitter

Krychu paźniej ja pierajechaŭ va Ukrainu, u krainu, jakuju ja tak padtrymlivaŭ z 2013 hoda, ź jakoj pracavaŭ padčas Minskich pieramoŭ i jakaja stała maim druhim domam paśla taho, jak mnie daviałosia pakinuć Radzimu. Moj siabar i były kaleha Pavieł Macukievič, jaki pracavaŭ ź Mierkiel u tuju noč i jaki padaŭ u adstaŭku ŭ znak pratestu ŭ 2020 hodzie, taksama byŭ vymušany ŭciakać ź Biełarusi. Ciapier my abodva pracujem palityčnymi analitykami.

Fota: PavelSlunkin / Twitter

Fota: PavelSlunkin / Twitter

Inšy moj siabar Arciom Šrajbman padčas pieramoŭ pracavaŭ u Tut.by žurnalistam. U 2021 hodzie Tut.by byŭ pryznany biełaruskimi ŭładami ekstremisckim i źniščany, žurnalistaŭ pasadzili ŭ turmu. Arciomu taksama pryjšłosia źbiehčy va Ukrainu.

Fota: PavelSlunkin / Twitter

Fota: PavelSlunkin / Twitter

U ECFR ja sustreŭ Mary Dziumulen, jakaja zajmałasia Minskimi pahadnieńniami, kali jana pracavała ŭ MZS Francyi. I Hustava Hresela, jaki šmat hadoŭ aśviatlaŭ vajnu i Minski praces. U 2021 hodzie ja sustreŭsia z Paŭłam Klimkinym, eks-ministram zamiežnych spraŭ Ukrainy. Heta adbyłosia ŭpieršyniu z momantu našaj pieršaj sustrečy toj nočču ŭ Minsku ŭ 2015 hodzie.

Ministr zamiežnych spraŭ Biełarusi Makiej pamior u listapadzie 2022 hoda. Mierkiel, Ałand i Parašenka bolš nie źjaŭlajucca dziaržaŭnymi lidarami.

Łukašenka zastajecca ŭ Pałacy da hetaha času. Jon «padnosić bojeprypasy» ŭ vajnie suprać Ukrainy ciapier užo ŭ pramym, a nie ŭ pieranosnym sensie.

Ja žyŭ va Ukrainie, pakul Rasija nie ŭvarvałasia tudy znoŭ 24 lutaha 2022 hoda. Ja nie viedaju, kali i čym skončycca hetaja historyja, ale ja zyču Ukrainie pieramohi. I jana abaviazkova pieramoža.

Клас
128
Панылы сорам
3
Ха-ха
7
Ого
4
Сумна
6
Абуральна
9