Fota: Hidajet Delic / AP
Jon źniaŭ film «Vohniennyja kalaśnicy», jaki atrymaŭ čatyry «Oskary» (najlepšy film, scenar, kaściumy i saŭndtrek), «Załaty hłobus», try premii BAFTA i dva pryzy Kanskaha kinafiestyvalu.
Chju Chadsan pamior u špitali Čarynh-Kros u Łondanie paśla niepraciahłaj chvaroby, pieradaje AP zajavu siamji režysiora. Inšyja padrabiaznaści nie pryvodziacca.
Film «Vohniennyja kalaśnicy» (1981) raspaviadaje historyju supiernictva dvuch brytanskich atletaŭ na Alimpijskich hulniach 1924 hoda ŭ Paryžy. Film, akramia ŭsiaho inšaha, viadomy svaim saŭndtrekam, jaki ŭ sučasnych tvorach časta vykarystoŭvajecca dla kamičnaha efiektu. Akramia hetaha, jon vykarystoŭvaŭsia padčas prezientacyi Styvam Džobsam pieršaha kampjutara Macintosh u 1984 hodzie, a taksama padčas cyrymonii adkryćcia Alimpijskich hulniaŭ u Łondanie ŭ 2012 hodzie, piša «Kamiersant».