Fota: pres-słužba Minabarony
U Biełarusi štohod pravodziacca płanavyja vajskovyja zbory, u narodzie ich jašče nazyvajuć «zabrali ŭ partyzany». Padčas zboraŭ mužčyny ŭznaŭlajuć viedy pa vajskovych śpiecyjalnaściach.
Čaściej za ŭsio na zbory traplajuć tyja, chto adsłužyŭ terminovuju słužbu ci skončyŭ vajskovyja kafiedry.
Raniej načalnik upraŭleńnia hałoŭnaha arhanizacyjna-mabilizacyjnaha ŭpraŭleńnia Hienštaba Alaksandr Šalpuk kazaŭ, što ŭ 2023-m na vajskovyja zbory płanujecca pryzvać 9 tysiač čałaviek.
Pozvy ŭžo pačali prychodzić, ale jość dziŭnaja zakanamiernaść: niekalki čytačoŭ «Našaj Nivy» napisali nam, što jany atrymali pozvy, choć nikoli nie słužyli ŭ vojsku, nie vučylisia na vajskovych kafiedrach i nie majuć nijakich vajskovych śpiecyjalnaściaŭ, prosta nie chadzili ŭ vojska dziakujučy adterminoŭkam.
