Dniami stała viadoma pra pryznačeńnie 26-hadovaha Chamzata Kadyrava ministram majomasnych i ziamielnych adnosin, vice-premjeram respubliki Čačnia. Aŭtary rasśledavańnia nahadali pra fiederalny zakon, jaki zabaraniaje pryjom na dziaržsłužbu blizkaha svajaka, kali adzin padnačaleny inšamu.
Na heta adreahavaŭ Ramzan Kadyraŭ:
«Pasłuchać ich strašyłki, dyk usia respublika razvalicca z-za taho, što siarod sotni tysiač słužačych u rehijonie niekalki maich blizkich svajakoŭ. Nie śmiašycie mianie, — napisaŭ kiraŭnik Čačni ŭ svaim telehram-kanale. — Z maich svajakoŭ u luboj ustanovie i na luboj pasadzie patrabavańni ŭ dziasiatki razoŭ bolšyja, tamu što im treba dakazvać, što jany pracujuć nie dziakujučy mnie, a nasupierak. Kamu daviaraju, taho i pryznačaju».
U 2018 hodzie Ruskaja słužba Bi-bi-si padličyła, što sa 158 bujnych čynoŭnikaŭ u Čačni 30% — heta svajaki Ramzana Kadyrava, 23% — adnaviaskoŭcy, jašče 12% — siabry čačenskaha lidara i ich svajaki. U 2021 hodzie dačka kiraŭnika Čačni Ramzana Kadyrava Ajšat stała ministram kultury respubliki. Na momant pryznačeńnia na hetuju pasadu joj było 22 hady.
