Linija źbiraje i akumuluje infarmacyju pra arhanizacyi ŭ Polščy, jakija akazvajuć jurydyčnuju, psichałahičnuju dapamohu, dapamahajuć znajści adkazy na sacyjalnyja i inšyja pytańni. Śpiecyjalisty infalinii belarusam.pl mohuć padkazać ludziam kirunak dziejańniaŭ, zaryjentujuć, dzie možna atrymać profilnuju padtrymku arhanizacyj i śpiecyjalistaŭ.
Infarmacyja ŭ infalinii jość pra arhanizacyi pa ŭsioj Polščy, pry nieabchodnaści śpiecyjalisty padkažuć tym, chto patelefanuje, kudy źviarnucca pa dapamohu ŭ kankretnym horadzie ci, prynamsi, u najbližejšym da jaho. Taksama hetuju infarmacyju možna znajści na sajcie ŭ adpaviednym raździele. Ale tak jak ciapier źviestki aktualizujucca, dadajucca novyja arhanizacyi, to pakul lepš telefanavać na infaliniju.
Linija pracuje štodzionna z paniadziełka pa piatnicu z 11 da 19 hadzin, možna telefanavać pa numary +48722722500 albo pisać na je-mejł [email protected].
Dadatkovuju infarmacyju možna znajści na sajcie inicyjatyvy, taksama pracuje kanał u telehramie i staronka ŭ fejsbuku.
