«Kožny, chto staŭ na šlach vypraŭleńnia i choča zahładzić svaju vinu, pavinien mieć šaniec na razumieńnie i łasku. Heta datyčyć tolki tych, chto zasłuhoŭvaje hetaha prabačeńnia», — zajaviŭ Łukašenka na naradzie, pryśviečanaj hramadska-palityčnaj abstanoŭcy i situacyi sa złačynnaściu. 

Adnoj ź jaje temaŭ była «praca z hramadzianami, jakija źjechali za miažu paśla padziej 2020 hoda, a ciapier žadajuć viarnucca na radzimu».

«Masavaja emihracyja vyklikała šmat prablem»

Palityčny ahladalnik prajekta «Pozirk» Alaksandr Kłaskoŭski nahadvaje, što adrazu paśla 2020 hoda biełaruskija ŭłady z radaściu vyciskali palityčnych praciŭnikaŭ i prosta niełajalnych hramadzian za miažu.

Ciapier ža schamianulisia, bo havorka idzie nie pra dziasiatki, a sotni tysiač tych, chto zjechaŭ, i Biełaruś straciła šmat kvalifikavanych kadraŭ.

«Tyja, chto vychodziŭ na pratesty, — heta pieravažna maładziejšaja, bolej prasunutaja, pradprymalnaja častka hramadstva, i vidavočna, što ciapier adčuvajecca kadravy hoład. Masava zjechali ajcišniki, navat aficyjnaja statystyka heta paćviardžaje. Brakuje daktaroŭ i šmat kaho jašče», — davodzić Alaksandr Kłaskoŭski.

Alaksandr Kłaskoŭski

Alaksandr Kłaskoŭski

Heta viadzie da paharšeńnia jakaści žyćcia, straty častki VUP. U režymu adnosiny čysta prahmatyčnyja, adznačaje palitołah.

Dyrektar instytuta «Palityčnaja śfiera» Andrej Kazakievič taksama kaža, što masavaja emihracyja vyklikała šmat prablem dla roznych halin ekanomiki.

«Tyja, chto źjazdžaje, arhumientujuć taki krok palityčnym klimatam, što ich mohuć u luby momant zatrymać. I voś, kamisija musić źniać niapeŭnaść. Buduć vyznačanyja ludzi, da jakich jość pytańni, a da jakich pretenzij niama, i jany mohuć viartacca», — miarkuje palitołah.

«Raskoł u hramadstvie pa-svojmu turbuje Łukašenku»

Na dumku Andreja Kazakieviča, toje, što Łukašenka rehularna zhadvaje palitemihrantaŭ, aznačaje: dla jaho heta prablema. 

«Idzie namacvańnie taho, na što Łukašenka, uličvajučy kryŭdu na ŭsich hetych ludziej, hatovy pajści, kab źniać unutrypalityčnuju napružanaść, jakaja vidavočna zachoŭvajecca.

Heta ž pytańnie paviazana z abvieščanaj amnistyjaj. Palityčny kryzis nie byŭ vyrašany praz dyjałoh, a byŭ zadušany», — kamientuje namiery stvaryć kamisiju Andrej Kazakievič.

Akramia taho, praciahvaje jon, tak nibyta demanstrujecca hatoŭnaść zrabić krok nasustrač.

Alaksandr Kłaskoŭski ličyć, što

«raskoł u hramadstvie pa-svojmu turbuje Łukašenku i nie tamu, što jon taki čuły, a tamu, što razumieje: heta bomba pad jaho palityčnuju budučyniu».

Bolš razumnyja i pamiarkoŭnyja ludzi ŭ jaho sistemie «akuratna, dypłamatyčna źviartajuć uvahu, što kali zakručvać hajku da biaskoncaści, to možna raźbu sarvać».

«Razumniejšaja častka namienkłatury, čynoŭnictva razumieje, što rana ci pozna hetyja represii viernucca bumieranham. Heta budzie kiepska dla ich samich», — adznačaje Alaksandr Kłaskoŭski.

«Palityčnym praciŭnikam Łukašenka prapanuje zdacca ŭ pałon na ŭmovach režymu»

Andrej Kazakievič miarkuje, što zajava ab stvareńni kamisii maje jašče źniešniepalityčnuju skiravanaść. Vialikaja kolkaść biełarusaŭ ciapier znachodzicca ŭ roznych jeŭrapiejskich krainach i aścierahajecca viartacca.

«Z-za heta šmat ludziej udzielničaje ŭ akcyjach pratestu za miažoj, stvarajecca asiarodździe, spryjalnaje dla vierbavańnia ludziej u roznyja radykalnyja struktury, vajskovyja farmavańni va Ukrainu.

Jany akazvajuć cisk na miascovyja ŭłady krain, dzie znachodziacca, praz zvaroty, sustrečy, niaŭradavyja arhanizacyi, praz vykazvańni ŭ sacyjalnych sietkach», — kaža palitołah.

Andrej Kazakievič. Fota: udf.name

Andrej Kazakievič. Fota: udf.name

Na dumku Kazakieviča, źniešniepalityčnyja misii pišuć spravazdačy, u jakich paznačajuć, što varta było b «niešta prydumać», kab źniać napružańnie, naprykład, dać harantyi biaśpieki dla tych, chto vierniecca na radzimu.

«Niejkija kroki ad Łukašenki čakajuć. Ale jon nijak nie moža navažycca na zaćviardžeńnie schiemy prymireńnia — toje, što prapanujecca, vyhladaje nie realistyčna», — ličyć Andrej Kazakievič.

Alaksandr Kłaskoŭski miarkuje, što Łukašenka saśpieŭ da padobnaj inicyjatyvy. Hod tamu na Usiebiełaruskim schodzie jon uzdymaŭ hetuju temu i ciapier vyrašyŭ hetuju sprobu ažyćciavić na praktycy, palepšyć imidž režymu.

«U peŭnaj stupieni imitavać pošuk hramadskaha prymireńnia i nacyjanalnaj zhody, pakazać, maŭlaŭ, režym nie taki ŭžo i źvierski i my možam peŭny humanizm vyjavić, — praciahvaje palitołah. — U paraŭnańni z zajavami, što hučali hod tamu — a tady zapomniłasia ŭsim fraza «paŭzicie na kaleniach», — ničoha novaha niama».

Palityčnym praciŭnikam Łukašenka prapanuje zdacca ŭ pałon na ŭmovach režymu, i im vystaŭlajecca ŭltymatum.

(hartajcie nižej, kab pryčytać praciah)

«Pakajciesia, pasypcie hałavu popiełam». I navat jašče bolej, Łukašenka choča, kab ludzi źmianili svaje pohlady. Kaža, što pavinny stać bolš jabaćkami, čym ciapierašnija prychilniki režymu», — akcentuje ŭvahu ekśpiert.

«Unieści raskoł u palityčnuju emihracyju»

Na dumku Kłaskoŭskaha, u hłybini dušy Łukašenka razumieje, što «pohlady nielha źmianić jak palčatki».

«Choć jon i nastalhuje pa svajoj byłoj papularnaści, ale choča damahčysia choć źniešniaj łajalnaści. Dumajcie sabie, što chočacie, ale skaryciesia, pryznajcie maju pieramohu i skačycie pad maju dudku. Voś takaja ŭmova faktyčna vystaŭlajecca palityčnym praciŭnikam», — adznačaje Alaksandr Kłaskoŭski.

Łukašenka i jahonaje atačeńnie majuć na mecie ŭnieści raskoł u palityčnuju emihracyju i ŭ šerahi niełajalnych ludziej, miarkuje palityčny ahladalnik.

«Jość častka mienš ćviordych ludziej, jakija ŭpali ŭ frustracyju, škadujuć, asabliva ź liku palityčnych nieafitaŭ, što pavialisia tady na ejfaryi, byli na chvali pratestaŭ, a siońnia stracili svajo spakojnaje kolišniaje žyćcio», — tłumačyć jon.

«Inšaja reč, što raniejšaha spakojnaha žyćcia nikomu nie budzie, bo my bačym, što režym stanovicca ŭsio bolš žorstkim, patrabuje ŭsio bolšaj łajalnaści i zaŭtra mohuć pryjści pa tych, kamu siońnia nibyta daravali», — ličyć palitołah.

Bolš pryncypovaja častka palityčnaj emihracyi nie pavieryć abiacańniam Łukašenki, dy i daravańnia im nie budzie. Idzie zavočny sud nad Cichanoŭskaj, Łatuškam i inšymi siabrami Kaardynacyjnaj rady. Hetyja ludzi razumiejuć, što im šlach u Biełaruś pry ciapierašniaj uładzie adrezany.

Hienieralny prakuror Andrej Šved abiacaje: «Rašeńni buduć prymacca stanoŭčyja ŭ adnosinach da tych asob, jakija nie ŭčyniali złačynstvaŭ, nie zamachvalisia na naš kanstytucyjny ład, jakija raskajalisia i sapraŭdy chočuć viarnucca i žyć mirnym i spakojnym žyćciom u našaj krainie».

«Jany spadziajucca kahości na hetuju vudu złavić i z hetaha buduć, jak minimum, rabić šou», — padsumoŭvaje Alaksandr Kłaskoŭski.

Łukašenka pahražaŭ narodu novymi represijami: Vyleźli z-pad plintusa — reakcyja budzie žorstkaja

Łukašenka: Tyja, chto viartajecca, pavinny stać jašče bolšymi jabaćkami, čym tyja, chto tut

Lilija Ananič patłumačyła, chto budzie prymać kančatkovaje rašeńnie i jak buduć pazbaŭlać hramadzianstva

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?