U Jehipcie ŭpieršyniu za apošniaje stahodździe znajšli 16-mietrovy papirus z tekstami z «Knihi miortvych».
Pra heta zajaviŭ hienieralny sakratar Viarchoŭnaj rady staražytnaściej Jehipta Mastafa Vaziry ŭ Dzień jehipieckich archieołahaŭ, paviedamlaje Egypt Independent.
Skrutak znajšli ŭ archieałahičnaj zonie Sakara — heta pieršaja znachodka poŭnaha papirusnaha dakumienta za apošniaje stahodździe.
Artefakt restaŭravali ŭ łabaratoryi Jehipieckaha nacyjanalnaha muzieja, jaki znachodzicca na płoščy Tachryr u Kairy, i nazvali «papirusam Vaziry».
Vaziry skazaŭ, što papirus užo pierakłali i paźniej jaho vystaviać u Jehipieckim nacyjanalnym muziei. Pakul znachodku nie pakazali hramadskaści.
Adkryćcio 16-mietrovaha papirusa moža pralić śviatło na vieravańni staražytnych jehipcian ab pierachodzie ŭ zamahilny śviet.
