U Francyi razhladajuć mahčymaść pieradačy Ukrainie svaich asnoŭnych tankaŭ Leclerc, piša Politico. Tak chočuć dapamahčy FRH rašycca na pastaŭki tankaŭ Leopard.
«Pytańnie składanaje, i rašeńnie ŭ Paryžy jašče nie pryniataje. Ale my dumajem pra heta. Pahladzim, što budzie vyrašana na sumiesnym pasiadžeńni kabinieta ministraŭ Francyi i Hiermanii», — skazaŭ vydańniu nienazvany francuzski čynoŭnik.
Jak raniej paviedamili niamieckija i amierykanskaja ŚMI, kancler Hiermanii Ołaf Šolc zajaviŭ prezidentu ZŠA Džo Bajdenu ŭ telefonnaj razmovie, što Bierlin adobryć pastaŭki Kijevu tankaŭ Leopard pry ŭmovie, kali Vašynhton adpravić tanki Abrams.
