Kazarmy na vulicy Ščorsa, damy numar 2 i 4, sprabavali pradać jašče vosieńniu 2021 hoda. Adnak pakupnik znajšoŭsia tolki ŭ mai minułaha hoda. Praz adsutnaść popytu budynki pradali na 80% tańniej za pieršapačatkovuju canu — za 316 tysiač i 280,7 tysiačy rubloŭ adpaviedna. Budynki vykupiła bresckaja budaŭničaja kampanija «Paleśsiežyłbud». 

Fota: Jandeks panaramy

Fota: Jandeks panaramy

Zhodna z zaćvierdžanym płanam, u kazarmie pa Ščorsa, 2 budzie 30 kvater, a ŭ susiednim budynku — 44. U domie pad numaram 4 dabudujuć žyły mansardny pavierch. 

Tak paśla rekanstrukcyi musić vyhladać byłaja kazarma pa adrasie Ščorsa, 4

Tak paśla rekanstrukcyi musić vyhladać byłaja kazarma pa adrasie Ščorsa, 4

Płošča kvater u adnoŭlenych budynkach budzie ad 27,95 m² da 73,29 m². Pakupnikam prapanujuć adna-, dvuch— i trochpakajovyja kvatery. 

Tak paśla rekanstrukcyi musić vyhladać byłaja kazarma pa adrasie Ščorsa, 2

Tak paśla rekanstrukcyi musić vyhladać byłaja kazarma pa adrasie Ščorsa, 2

Dla kožnaj kvatery praduhledžana svajo parkovačnaje miesca, jakoje budzie ŭvachodzić u košt žylla. 24 mašyna-miescy buduć znachodzicca ŭ padziemnym haražy, jašče 50 — na vulicy. 

Dvor budzie zakryty dla aŭtatranspartu. U im raźmieściać dziciačyja hulniavyja placoŭki i viełaparkoŭku. Svabodnuju ad zabudovy terytoryju azielaniać.

Niahledziačy na toje, što kazarmy nie pojduć pad znos i sam prajekt na pieršy pohlad vyhladaje davoli pryvabnym, da samoj rekanstrukcyi ŭźnikajuć pytańni. 

Tak, naprykład, hrodzienski krajaznaŭca Miečysłaŭ Supron jašče padčas hramadskaha abmierkavańnia prajekta zrabiŭ zaŭvahu nakont źmianieńnia źniešniaha vyhladu zhadanych histaryčnych budynkaŭ.

Historyk u svaim dopisie ŭ fejsbuku źviartaŭ uvahu, u pryvatnaści, na źniščeńnie źniešniaha vyhladu fasadaŭ tynkoŭkaj i na dysharmaničnyja pa praporcyjach vokny.

Dom numar 4 na vulicy Ščorsa. Vierchniaje fota: Jandeks panaramy. Nižniaje: rendary zabudoŭščyka

Dom numar 4 na vulicy Ščorsa. Vierchniaje fota: Jandeks panaramy. Nižniaje: rendary zabudoŭščyka

«Źmianieńnie charakternych elemientaŭ architektury hetych budynkaŭ pahoršyć histaryčnaje abličča horada, a heta supiarečyć idejam, zakładzienym u detalovym płanie histaryčnaha centra Hrodna z prajektam adnaŭleńnia histaryčnaj zabudovy», — pisaŭ historyk u fejsbuku.

Zabudoŭščyk užo viadzie papiaredni zapis na kuplu kvater, adnak dakładnaja cana «kvadrata» pakul nieviadoma. Canu ahučać tolki viasnoju. Skončyć rekanstrukcyju «Paleśsiežyłbud» płanuje da pačatku 2024 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?