Pra Pucina i vajnu Rasii z Ukrainaj
Toje, što adbyvajecca, — heta miarzotna. Heta ŭvarvańnie. Toje, što tam hetyja chłopčyki nienavučanyja tvaryli. Što budzie zaŭtra, my nie viedajem. Pucin nie moža viarnucca dadomu z projhryšam. Ja dumaju, što jon, napeŭna, rušyć na Kaŭkaz nibyta supakojvać hetyja dźvie krainy [Armieniju i Azierbajdžan]. Voś tady voś hetaha ŭsiaho, što nam padabajecca ciapier tut [na Kaŭkazie], nie budzie ŭžo, tamu što jon pojdzie na Hruziju. Heta adnaznačna.
Nu, pieramožcam [u vajnie z Ukrainaj] jon [Pucin] nie vyjdzie, heta dakładna. Tamu što ŭžo šmat haradoŭ vyzvalili, tam łunajuć ukrainskija ściahi. Jany nie addaduć svaju ziamlu na razarvańnie.
(Adkazvajučy na pytańnie ab padtrymcy vajny ŭ Rasii, u asnoŭnym, starejšym pakaleńniem) Bajacca jany. Bajacca stracić svaje miescy. Bajacca, što ž budzie ź imi potym. Nu, ty lepš za mianie viedaješ, što ŭ Rasii jość apazicyja, jakaja pakul vielmi baicca. Ale kali ruski vybuchnie — ja maju na ŭvazie dušoj, nastrojami pratestu, — voś tady budzie vielmi surjoznaje supraćstajańnie, tamu što jany ŭžo na sabie adčuvajuć hetyja sankcyi [zachodnich krain].
Jon [Pucin] zahubiŭ svaju Radzimu, zahubiŭ adnaznačna. Takich sankcyj ni ŭ koha nie było — i daj boh, kab heta było apošni raz. Tamu što lidar hetaj miarzotnaj vajny ŭvieś čas u bunkiery siadzić, nie vyłazić, i vielmi mnohich hienierałaŭ jon adpraviŭ na piensiju. Pieršapačatkova jamu [Pucinu] skazali, što [rasijanie] uvojduć va Ukrainu i ich sustrenuć ściahami ŭ Charkavie. Charkaŭ — ruskamoŭny horad, vielmi šmat habrejaŭ, vielmi šmat ruskich. I raptam jon zrazumieŭ, što jany hetaha nie chočuć.
Pra Uładzimira Zialenskaha
Jon vielmi dobry prezident, adukavany, małady, śmieły. Heta vielmi važna ŭ hetaj situacyi, i ja žadaju jamu tolki pieramohi.
Apošni raz ja da jaho pryjazdžaŭ z-za [Michaiła] Saakašvili. My sustrelisia, ja skazaŭ, što «jon ža vaš hramadzianin, zabiarycie jaho adsiul, jaho mietadyčna zabivajuć, tamu što jany vielmi bajacca». Naš parłamient baicca za svaje damy, jakija jany pabudavali za košt biudžetu Hruzii. Hruzija — maleńkaja kraina, usie ŭsio bačać, usio viedajuć. I ciapier jany pačali pałochać nas, što Amieryka choča ŭciahnuć nas u vajnu. Moładź źjazdžaje adsiul, tamu što pracy ŭžo niama tut.
Ciapier jon [Saakašvili] vielmi chvareje, [u jaho] była kamisija; jany napisali, što jaho treba pieravieźci ŭ Jeŭropu, dzie mohuć trochi padlačyć, na nohi pastavić. Zialenski skazaŭ: «Ja ŭsio zrablu». Na treci dzień [paśla sustrečy ź im] pryjechała hetaja žančyna. Ničoha nie atrymałasia. Paśla jaje ŭžo pryjazdžali roznyja deputaty, šmat narodu było, ni ŭ jakuju.
Što budzie, nichto nie viedaje. Ludzi raspluščać vočy i zrazumiejuć, što heta biełaje, a heta čornaje. Nielha bambić tyja damy, dzie naradžajucca dzieci. Nielha bambić harady i vioski, jakija nijakaha dačynieńnia nie majuć da hetaj vajny.
Pra rasijskuju prapahandu
(Na pytańnie, ci jość va Ukrainie nacysty — pra heta ŭvieś čas kažuć rasijskija dziaržaŭnyja miedyja) Śmiešna ciapier hetaje pytańnie mnie zadavać. Była niejak pieradača, i [Uładzimir] Sałaŭjoŭ skazaŭ: «Buba, kaža, pryjazdžaŭ u Maskvu, jaho karmili, paili, davali kancerty». Na kancert čałaviek nie zojdzie, kali jamu nie padabajecca.
Heta ŭsio pavierniecca ŭ inšy bok, ja ŭpeŭnieny. Voś u mianie kryž visić, ja ranicaj i ŭviečary, kali kładusia, zaŭsiody pieršaje, što ja kažu: «Hospadzie, dapamažy Ukrainie vyjhrać hetuju vajnu».
Pra Saviecki Sajuz
[Saviecki Sajuz nie byŭ dobraj krainaj], tamu što nam kazali, što my pavinny havaryć. U mianie byŭ adzin vypadak, ja ŭžo byŭ mastackim kiraŭnikom Dziaržaŭnaha estradnaha arkiestra Hruzii, heta byŭ vialiki momant. Z baletam, z usimi spravami, 80 čałaviek było. I tady mnie adzin moj siabar dasłaŭ — supała prosta — humovuju masku Brežnieva. Kančajecca kancert, užo raźvitalnyja rečy iduć, ja syšoŭ sa sceny, nadzieŭ hetuju masku i vyjšaŭ [na scenu]. Praź dźvie chviliny KDB byŭ za kulisami. I vielmi cikavuju reč skazali mnie na dopycie: «Kali b mnie nie padabalisia vašy pieśni, vy b ciapier siadzieli ŭ inšym miescy».
(Na pytańnie, ci adčuvaŭ jon siabie kali-niebudź savieckim čałaviekam) Nie. Mianie vyhnali ź pijanieryi za toje, što ja ŭ dvary hulaŭ u futboł. U mianie była adna para abutku, i ja bajaŭsia, mama budzie złavacca, što ja ŭ brudnych tuflach pryjšoŭ. I ja źniaŭ čyrvony halštuk i pačaŭ čyścić tufli. Na mianie chtości danios, na druhi dzień vystraili ŭsiu kamandu dziaciej i skazali, što «jon nie varty być pijanieram», i vyhnali.
U 1967 hodzie my pryjechali ŭ Kanadu. I žurnalist napisaŭ, što pryjechali ruskija artysty. Kałasalny byŭ pośpiech, ale nam było kryŭdna vielmi. Tamu što jany mahli skazać, što ja hruzin, a toj uźbiek, a hety azierbajdžaniec, a hety małdavanin.
Viadoma, było važna, [kab pradstavili jak hruzinskaha artysta]. Kali intervju ŭziali, ja heta skazaŭ. Ja skazaŭ, što my, usie artysty, pracavali za kapiejki. Ja kažu: «Choć by skazali, jakaja kraina. Voś im spadabaŭsia kancert, naohuł stojačy apładziravali ludzi». Čałaviek pavinien siabie pavažać u dušy. (Ci była paśla hetaha razmova z KDB?) Tak. (Ci było strašna?) Nie.
Pra rašeńnie nie naviedvać Rasiju
Ja aficyjna pa telebačańni ŭ Maskvie skazaŭ — heta było ŭ vośmym hodzie — što majoj nahi nie budzie ni ŭ adnym rasijskim horadzie, pakul hety čałaviek [Pucin] na čale krainy.
Pra śmierć
(Na pytańnie, jak adčuvać, što śmierć — heta blizka) Voś try dni tamu było vielmi-vielmi drenna, tak nikoli nie było. Ja loh i skazaŭ: «Hospadzie, zabiary mianie». Toje, što ja lažu [na pracedurach], nazyvajecca hiemadyjaliz — heta kali nyrka nie pracuje. I heta adbyvajecca na tydzień try razy pa čatyry-piać hadzin. Čyściać kroŭ, staviać vielizarnuju banduru-kampjutar, kroŭ zachodzić-vychodzić tudy-siudy. Spačatku heta ŭ ruku rabili, a potym źjavilisia tromby. Ciapier ustavili šłanh i praz horła mnie [zrabili sasudzisty dostup].
(Pra zvarot da Boha) Viedaješ, jak było? Ja dumaŭ, što mnie stanie lahčej, kali ja pamru.
Maja stanoŭčaja jakaść — što ja nie bajusia śmierci. Časam zachodziŭ u carkvu, tam cicha, pastaŭlu śviečku tam. Ja pražyŭ pryhožaje, ščaślivaje žyćcio, tamu što heta pieśnia.
učora, kali pryjšła heta sumnaja navina, pahladzieła inšaje intervju ź im - K.Katrykadze - «Putin svoju stranu pohubił»: Vachtanh Kikabidzie o vojnie, Hruzii, Danielii i rośsijanach (hł. na ju-tub)